( عجبى )

دقت طبول الفرح

والحزن مالى الجوف

والخوف

معشش في القلوب

وتوب الفرح غامق

لونه مكانش مريح

الهم ميزانه زاد

وياخلق ايه العمل

ف دنيا متعاشه

لئيمه غشاشه

تفرد لنا شراع

نعشم ونتأمل

وقبل وصولنا للنور

تخدعنا وتضلم

عاشق ليوم الفرح

ونفسي مره أعيشه

الاقى الحزام بيزيد

بزياده ف تعقيده

حتى الوشوش تضحك

وتخفيلك سموم بالكوم

ولو يوم عشت هواها

تغدر بك ومين هتلوم

كاس المرار دقناه

والقلب منها انكسر

ما شفنا راحه ف يوم

ولا جات ف يوم تعتذر

ولما تدق الطبول

الهم ينزل مطر

وعجبى

ابو رامى الاسواني

6/3/2021