( عن أمي )

بقلمي جمال القاضي
عن أمي راح أحكي واقول
كتير حكايات
ولو قلت أميره
وانا بوصف فيها
مايكفيها الوصف
ومايكفيها كتر القول
لأنها دايما فوق الوصف
ومليانه صفات
حنان تلاقيها
ومن وصفي أنا فيها
مدرسه تانيه 
غير مدارسنا
ولما خلقنا 
وبقينا طفوله
زمان أو حتى 
كبرنا اليوم
هنفضل دايما نتعلم فيها
نتعلم منها كمان
ان حياتنا مش بس أقوال
لازم نشرب كاس
من أخلاقها 
ويوافق قولنا 
صفات أخلاقها 
وأمي دي كانت للأخلاق 
قدوة وأصل
أما صفات عن طيبة القلب
كان طرحه جميل
كان يشبه شجرة نخل
لو ترميها مرة بحجره
كان الرد ثمار 
وكان قولها وكل كلامها
لين وحنان
ووصف جيرانها كان شاهد دايما
على حسن طباعها
أما دموعها 
وكمان أحزانها كانت عنا
بتخبيها وتظهر بس 
الضحكه أمامنا
وملامح الضحكه 
لو كنت تشوفها 
عجيبه
تشبه ورده
ولما بتضحك تلقى الدنيا 
ضاحكه معاها
لأجمل ضحكه
ومن قلبي هقولك 
قلبي عشانك خليته ياأمي هديه
ويوم هيقولوا تاريخ لأعيادك
هقولك تعالي
أهديك هديه
هاتي إيدك أبوسها
وكمان أقدامك 
يأحلى هديه ونفسي أشوفها
وأتمناها 
دايما بحياتي تنور 
وتنور ليا الدنيا
بوجودها معايا 
وال بشوفه في نظري أحلى هديه
غاليه ياأمي غاليه عليا