عن نفسى اتحدث

بقلم الكاتبة/ رحاب السيد

ساعات بحس إن أنا جايا من عالم تاني

هو أنا جايا من عالم تاني؟

مش بكون متوقعة إن فلان ممكن يأذيني..وبيأذيني

مش بخون الناس وبآمن للناس وفجاة الاقي أكبر مقلب واخداه

بتعامل بطبيعتي مع الناس بتلقائية بس للاسف طلعت التلقائية دي غلط

بتعامل مع الناس كأنهم أخواتي

في حد قاللي مره حبيبتي الناس مش اخواتك

للأسف طلع صح

الناس مش أخواتي عشان اآمن كده لأي حد

إللي بيضحك في وشي مرة بقول عليه إنسان كويس وطيب

دا عبط طبعا حضرتك

مش كل ضحكه وابتسامه وراها خير

أحيانا الناس بتضحك في وشك عشان يدارو غل جواهم

نفسي اتعلم اعامل الناس بمعاملاتهم للأسف مبعرفش

أغلبية المشاكل إللي بتواجهني في حياتي بسبب الثقة في الناس

هى الثقة في الناس غلط؟

ليه تمن الحب والإخلاص دائما بيكون غدر

ليه مش بنقدر الإنسان الطيب

ليه بقي طيب وخبيث بيتعاملو معامله واحده

أحيانا بسأل نفسي هو أنا عملت اي لفلان عشان يعمل معايا كده

لأنى ببقي عملت معاه كل خير ويبقابلني بكل شر

طب أنا عملت أي استاهل عليه الشر دا

واسأل واسأل

حياتي كلها أسأله للأسف علشان بقي دا الغالب عند الناس

مقابلة الخير بالشر

فلا يتبقي لي الا أن اقول

لا حول ولا قوة إلا بالله.

بقلم الكاتبة/ رحاب السيد عطر اللافاندار.