( غنوايه ) بقلم أبو رامي الأسواني

انا عارف انك مش ليا
وبلاش حكايات
بتذودى ليه بس مابينا
كل المسافات
وتحطى الكلمه على التانيه
وتعملى حوارات
لما قولتلك انى بحبك
ليه عيشتى الدور
غيرتى كلامك من حلو
لمدهون بالزور
خليكى واضحه وبسيطه
وعيشي ف النور
انا لما هويتك واخترتك
كان قلبى نضيف
كنتى النسمايه اللى تلطف
من جوف الصيف
لو فاكره يا حلوه ملكتينى
صار فكر ضعيف
وغرورك يوم لو كون لك
صوره ف خيالك
انى هكون بيكى متيم
وأمسك ف جنابك
أو يوم يمكن من غيرك
راح اكون تعبان
بقولهالك وبكل صراحه
وهكون كسبان
سلامات يا حياتى وعديله
وهكون ربحان
ابو رامى الاسوانى