( غنوه )

تاريخ النشر : السبت, نوفمبر 27, 2021 - 13:06

فضلت سنين احلم بيكى

وانا عارف انك مش ليا

مخك متركب بالمقلوب

عايشاها تملى عنديه

من كتر العند اللى ف راسك

فكرانى هكون ليكى مكسور

او صوره باهته بايديكى

فى جدار برواز هتحطيها

او غنوه حزينه لجنابك

وقت ماتحبى تغنيها

أنا برفض وبكل عزيمه

اضعف لك زى مريدينك

أنا إما اكون الوحدانى

لحبيبتى ومانيش ف الصف

او انك تنسينى ياحلوه

وترجعى انتى لآخر الصف

ابو رامى الاسوانى

27/11/2021

تصنيف المقال :

إضافة تعليق جديد