رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الثلاثاء 24 مارس 2026 11:23 ص توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
فتح المزاد مين يشتري
قليب مجروح وهو يادوب
لساه وليد ميعرفش حاجه
عن الهوى وبرضو انكوى
فتح المزاد مين يشتري
سنين عذاب وهجر وضنى
هو انا
ايوه انا معشتش يوم حتى الهنا
ولا يوم يفرح قلبي الحزين
ومين يزود في الجروح
ومين يبوح حتى يقولي
مين انا
فتح المزاد ياناس ياهووو
محدش ليه بيشترى
ده حتي قلبي بيتقرى
ولا عشان هو انكوى
مبقاش له سعر ف الهوى
مترحموه
ولو مفيش من يشترى
خلاص سيبوه
فتح المزاد
خساره قلبي اللى عشانك
داس ع الظروف
مبقاش يشوف
إلا عيون متكحلا
بنجوم تنور في الخلا
وكان يشوفك من بعيد
يفضل يغني جوه منى
اجمل غنا
ولما حبك وداب ف حضنك
بتبيعى فيه وبتشترى
ولما فتحنا بيه المزاد
الكل ذاد في البعاد
ولا حد منكم اشترى
خلاص
قفلنا المزاد
وقفلنا معاه كل البيبان
اللى بتجرح في القلوب
خلاص راح انسى
كل اللى كان من زمان
ولا هبيع ولا هشترى
ابو رامي الاسوانى
إضافة تعليق جديد