فراق شعر.. سحر مهدي

فراق

شعر.. سحر مهدي

قريت فنجانى وفنجانك
ضربت ودعى فى أوطانك
سهمين لا يمكن يتلاقوا
قطبين يتنافروا ما يشتاقوا
***************
رسمت دايرة أحلامى
مركزها قلب كبير نابض
محيطها ييجى مليون صاحب
أوتارها مشاعر معكوسه
ومساحه من الخير ميئوسه
****************
وشعاع النور فجأه بيظهر
وف ذات اليوم قلبه ينور
فى محيطى هتدفن احزانك
راح اساعدك تعبر اوهامك
تتخطى مشاكلك وآلامك
*****************
كان أملى انور اوطانك
ازيح الخوف من قدامك
وكفايه عليا اشوف فرحه
فى عيونك وحلمك قدامك
******************
وذات اليوم كان يوم
طرحى من حساباتك
الفرحه رافضه تجمعنا
وذكرى دايما توجعنا
القسمه مالها معندانا
عامله انها مش شيفانا
مقسومه الاحزان مكتوبه
وفراقنا كان قبل لقانا