رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الأحد 14 يوليو 2024 7:08 ص توقيت القاهرة

فرحة عنيكي بقلم مصطفى سبتة

فرحة عنيكي
بقلم مصطفى سبتة
كلمينى احكى ليا
او لومينى ياحبيبتي
اشكى منى اشكى ليا
وبخينى وعنفيني
بس متخليش فى نفسك
حاجة تاخد فرحتك
ياحبيبتي وتزعلينى
املكلينى او سيبينى
لو وجودى سبب لوجعك
ابترينى امحى اى حاجة
ترسم فى يوم. وجعك وحزنك
اما اشوف ملامحك حزينة
بتوجعينى وتألميني
لو وجودىسبب لفرحك
مش هغيب عنك ياقلبي
لو غيابى سبب لفرحك
مش هكون ابدا قريب
بس نفسى تكونى دايما
بفرحتك وبابتسامتك
قلبى مش بيكون سعيد
الا لما يشوف ملامحك
بابتسامة حلوة مرسومة
ع الخدود ياروح وجودك
يبقى يومى كأنه عيد
ارسميلى لونيلى كل حاجة
حلوة بيكى كاملة فيكى
كونى فرحانة كوني سعيدة
ارسمى الفرح بعنيكى
لونى العمر اللى دايب
روحه فيكى وقلبي ليك
طمنينى عليكى يا اغلى بسمة
مرسومة فى شفايف
افرحى بيا ومن غيرى
المهم انى اشوف فرحة عنيكى

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.