فهموك ... شعر اسر فاروق

فهموك

فهموك إنك هتلحق جنته

وإنك بروحك راح تنول محبته

والحور العين مستنينك يا غبي

لما تفجر نفسك في صنعه وخلقته

مسألتش نفسك ليه إختاروا لجنابك

رغم شيبهم وإنت ف ريعان شبابك

ليه مفجروش نفسهم وينولوا الشهادة

ويفوزوا بالجنة ونعيمها ويكونوا بدالك

 إنت شارب وألا نايم ولا متعاطي

إنت حاقد وألا حاسد وألا واطي

أنت فاهم وألا مش فاهم

إيه ماسكينه عليك خلاك تطاطي

ليه تقتل الناس البريئة بدون حساب

وتبقي أنت السبب ف الخراب

تروح ف لحظة  بلا تمن

فاكر هتفلت م العقاب

ربك ميرضاش بالجريمة

اللي يقتل نفس بتبقي آخرته مهينة

نار وغضب منه ولا يوم تشوفه

زي ما فهموك الزبالة ولاد اللئيمة