(قلبي قفلتيه)

أبو رامي الاسواني

لسه بحبك
لسه القلب
بيدوب ف هواكِ
بس اسمح لي
مش هرجع تاني اترجاك
كنت بعيش لك
كل معاني الحب بحب
ايوه أنا كنت بحسه
معاك
ليه القسوة
تملي فطبعك
ليه بتعيشي تملي ف عندك
عندك ظالمك
بطل قلبي
يدوب ف هواك

كنت فاكر نفسي الغالي
وليا في حياتك دور
لما اديتك قلبي بإيدي
برضو بتيجي
عليه وتدور
مش قلتلك حبي ده نار
مش قلتلك اني صعيدي
وعمري ماهقضيها هزار

ليه عايش في الدور العالي
ليه شايف الكل عبيدك
لسه غرورك برضو ماليك
مهما تنادي عليا خلاص
قلبي تعب من الإخلاص
قلبي خلاص انتي قفلتيه