( قوليلي يابلد )

بقلمي الشاعر/محمد غبن
شاعر عاميه بلغة محكيه
 13/3/2022

 مش عارف يابلدي إنت اللي ظلمانا ولا مظلومه معانا
دايبين في ترابك دوب وهواك مش جي ليه على هوانا
قوليلي وحياة شمسك وقمرك مركبنا رسيت علي شطك
ولا احنا في الغريق ولا هنعرف نعوم جوا بحرك
بصراحه عاتب عليك يابلد ليه الغريب بتصونيه وآخد حقي وحقك
أيوا حقنا وكل شيء آخده ولسه بننتظر كلنا عطفك
ماإنت عارفه إننا بنحبك مش تخلي عندك شويه
بلاش تضغطي فينا إحنا شبعانين ومتجرعين فيك آسيه
بلاش وكفايه حاجات كتيره إنت عرفاها بلاش  اقولها ياغاليه
قولتلك ع اللي فيها
وكلامي منه كتير جوا القلوب
فيه اللي مخنوق و بيتكلم زي مابكلملك
وفيه اللي ساكت وعلي أمره مغلوب
خايف يتكلم او يجرح بكلمه مشاعرك
 الحزن ويا العشق ساكن قلوبهم مهو بصراحه كتيره اوي عمايلك
حني وطبطبي ولا عايزاهم يسيبوك صبيه منزوع منك طرحتك وباين ضفايرك