رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الأحد 2 أكتوبر 2022 9:17 م توقيت القاهرة

كتب عيد صالح فضفضة من الاعماق

بسمة بلدنا الخضره إنسانه محبوبه
وإبن البلد عتره من طابا للنوبه
قبل العماير كان هرم ومصر، طيبه
بلدنا نبع من الكرم والحب والطيبه
والنيل بيجرى فى أرضها والدلتا دى توبه
نبض القلوب من حبها دى بلدنا أعجوبه
شمس المحبه بنوته شابه بتطل حبه وتستخبى
فارده جدايل شعرها وعيون مها
حتى الغريب بيحبها فارس ويحلم قربها
على أرضها أزهر علام لأصغر غلام
حمام سلام فارد جناحه فى السما 
جندى همام شايل سلاحه حامى الحما 
فلاح بيزرع عامل فى مصنع
وطبيب يداوى آلام بتوجع
وسفن بترسى على الشطوط
ومعلمين ومهندسين يبنوا العقول يبنوا البيوت
والكل داب فى حبها على أرضها
يحكى التاريخ ويقول عنك ياأم الرجال
دا الجندى مش معقول روحه فى وقت النزال
معنى الفدا والتضحيه ومضرب الأمثال
ورضاك عنا أمنيه يامربيه الأجيال
ياأم سينا وطابا ياصخرة للعدوان
عاشق مغرم صبابا بأعزف ليكى الألحان
ياأم الليل والجمال والورد على الأغصان
عند الشعر الخيال والمعنى والأوزان
يابلدنا يحميكى ربى طول الزمان 
وبروحى هأفديكى ياوهبانى الأمان
فنان بريشه رسمك يامصر
معنى الحضاره فى كل عصر
غضبة بلادى قويه على كل إيد تتمد
وإيدنا واحده عفيه وتحدى مالهوش حدد
وقت السلام إحنا وئام
وقت الحروب إسأل شعوب
عن جندى مصرى رايح يدافع عن أرضه 
هتلاقى رده روحه ودمه
فدا لأرضه الغاليه عنده
بسمة بلدنا راحه لتعبنا قوه لشبابنا
هنعيش فدا بسمة بلدنا...تحيا مصر...

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.