كتب عيد صالح فضفضة من الاعماق

سألونى الناس بتضحك ليه

قولتلهم من الهم الى انا فيه

حتى النجوم بتسأل هو فى ايه ماله

إيه الى حصله وإيه الى جراله

بضحك يا ناس من الاحزان والجراح

كل شئ من بين ايديا فى لحظه راح

مش عارف امتى هفوق ولا امتى هرتاح

الزمن والناس والدنيا بيهدوا فيا

مش بيرحموا حتى الدموع الى فى عنيا

مش لاقيين قدامهم غيرى يجرحوه

وتحت رجليهم يدسوه

نستيني خلاص يا دنيا واتركنت عالرف

وانا لوحدى عمال اضرب كف على كف

وبين جراحى واحزانى يا ناس بتزف

كل يوم بتخترعى ليا مليون ازمة

بقيت حاسس ان انا فيكي ماليش لزمة

ولا بقه ليا فيكي قيمة وبقيت مسواش

بتبيعي وتشترى فيا ببلاش

محدش حوليا سامع صوتى

كله مستنى فى اى لحظه موتى

ما تعدى بقه يا ايام وفوتى

مابقتشى حاسس لا بحنان ولا بأمان

وكل الى فى كتاب حياتى سطور احزان

بقت مليه حياتى زى ما يكون حفظت العنوان

هو فى ايه يا دنيا مافيش غيرى فيكي

ده انا تعبت خلاص وبشكى منك ليكي

حسى بيا وافتكريني ولو مره

طعم الايام والليالى بقت مره

وكل ما اسألك ليه تقوليلى انا حره

ليه يا قمر طلعت فوق وبقيت عالى

ما انا كنت  تحت بص وشوف بقه مالى

حتى فوق كله بيشكيلى ومحدش سايبنى فى حالى

طب انا ماليش غيرك اشكيله قولى ايه ذنبى

ماهو مش لاقيت غيرك يا قمر جمبى

طب ليه بتاخد النجوم وياك هناك

قالى وهسبهم يحصل فيهم زى ما حصل معاك

من بعد ما كنت ملاك بقت حياتك هلاك فى هلاك

كله بقه بيخاف وبيخون فى التانى

كل واحد مش بيفكر فى نفسه وانانى

ولا حد يوم فكرى فيا ولا حس بأحزانى

ياما ليك يا زمن شكيت وبكيت

ولا عمرك بيا فى يوم حسيت

تعبت خلاص ولو هموت يبقى ياريت

وايه يعني ما كلنا هنعيش حبه سنين

يجرى ايه لو نعيشها يا ناس فرحانين ومبسوطين

بدل ما نعيش حياتنا كده مجروحين تايهين

بس هقول وانادى ومين هيسمع

واحنا سايبين عيونا وقلوبنا من الاحزان بتدمع

ودموع ورا جراح على طول هى دى حكايتنا

لحد ما هنكتب بايدينا نهايتنا

مش هلومك يا دنيا خلاص

ماهو بقه لا عندك دم ولا احساس

ولاحتى فيكي ناس عندها اخلاص

تحت رجليهم كل يوم بنداس

بقه صوت الوجع جوايا بسببك مكتوم

ماهو ده قضائى وقدر محتوم

وعماله ترمى عليا هموم بالكوم

انا خلاص زهقت وتعبت من الى فيا

ومش عارف اعمل ايه ولا ايه اللى بايديا

غير همى واحزانى ودموع عينيا

ومن ده كله بقيت بضحك عليا .....