كتب عيد صالح فضفضة من الاعماق

أول يوم شوفتك أنا لسه ليه فاكر

كنت قاعد في البلكونة بذاكر

صحبي ندالى وقالي شوف مين هناك

قولتله دى إيه إنسانه ولا ملاك؟

حاجه غريبة شدتني ليكي

مش عارف هي إيه؟

هي ضحكتك وجمالها ولا نظرة عنيكي

كنت قاعد ونار الشمس لسعتني

لكن ضحكتك للوجع نستني

ومن يومها كل يوم الصبح في البلكونة

أشوف ضحكتك أقول البت دى هبله ولا مجنونة

بس عرفت إنها ضحكه مالهاش مثيل

زى ضحكة قمر في ليل حزين طويل

كنت استني الصبح عشان جوابك

وترميلى جوابك وأسبلك حبي على بابك

وكتبت وطلبت منك رقم التليفون

اعمل إيه ما هو لحبك بقيت مجنون

رفضتى و قولتيلى لا مينفعشى

ليه هو حبي ليكي فى ده مايشفعشى

واه لما لما شوفت صورتك قدامى

قمر عالي فوق في السما ندالى

قالى ممكن تتنازل عنها وتتدهالى

سألته ليه يا قمر عينك عليها

قالي لما ببصلها بشوف نفسي فيها

ووصاني وقالي أمانه عليك تحميها

و أوعى في يوم تهون عليك وتبكيها

إسعدها وأفضل طول العمر جمبيها

سألته إيه رأيك يا قمر فيها لما بتضحك

قالي يا بختك دى سعدك وهناك وفرحك

قولتله بس دى مش نجمه فوق فى السما

ولا نسمة ربيع شايلها الهوا

قالي اسكت يا غبي دى احلى ما خلق ربنا

لما بسمع صوتك بتمني تقوليلى بحبك

تقوليلى مش مهم المهم انى ابقي جمبك

وأكون وياك وبين ايديا أضمك

واه لما بتقوليلى مالك يا حبيبى

قلبي يصرخ وينادى بأعلى صوت

بس كفاية من كتر الدقات خلاص هموت

تكلميني وتقوليلى محتجاك جمبى

قوليلى اعمل إيه ما هو مش ذنبي

خايفه ليه لما امشي مش افتكرك

ده انا يا روحى هفضل طول عمري في سرتك

ازاى انساكى هو في حد بينسى روحه

ينسى إنسان طبطب عليه ودوا جروحه

نفسى افضل جمبك طول العمر

لكن فرقنا ده مش طلب ده أمر

كل شئ بعدك هيبقى مر

ولا هيبقى في فرح ولا حاجه تسر

ده نصيب وقدر مالهوش مفر

همشي وهسبلك قلبي وروحي وياكى

يكونوا جمبك ويكونوا يا روحي فداكي

كان نفسي أفضل طول عمري معاكى

كتب عليا الزمن انى اجى بلاد غريبة

وحظي وجيت لاقيت فيها اغلي حبيبه

جبل مالهوش وصف من الأدب والطيبة

انتى إنسانه مالهاش وصف

لو القمر نزل من السما هيخطفك خطف

ربنا خلق الارزاق وبين الناس متقسمة

وأنا رزقي في الدنيا دى هو سمسمه

حاجه كده يا سبحان الخلاق

جميلة محترمة مؤدبة كل دى ليها أسماء

أدب وجمال ورقه واحترام

حاجه كده ولا في الأحلام

مش لاقي ليها ياناس ولا كلام

زوق وخفه دم مالهاش حدود

سبحان من صورك يا اغلي ما في الوجود

واسألي الليل والقمر هما عليا شهود

مابقتشى عارف اكتب ايه

خلاص أنا هدعى ربنا ليا يخليه

و يارب قدرني أسعده و معايا اهنيه

ومن حنان قلبى ونور عيني أديه

يارب ياخالق كل شئ بالكاف والنون

احفظه وارعاه فين ما يكون

ده اجمل واغلى مافى الكون