كتب عيد صالح فضفضة من الاعماق

يا حب يالى بحر هواك قلاب

إهدى بقه ده معايا اغلى الاحباب

ده حب غالى اوى ما يتساب

ده حبه لا اعرف ابيعه ولا اقدر اشتريه

ده مافيش شئ فى الكون يساويه

كفاية عليا بس نظرة عنيه

دى تساوى الكون كله وما فيه

يارب إسعده وليا خليه

وقدرنى من حبى وحنانى اديه

والله ده كله مش كتير عليه

كفاية خلتنى احس بالامان

ونستنى ان فى حاجه اسمها احزان

وانا وياها ازاى هحس بحرمان

ده حبيبى اطيب وارق واجمل انسان

ياه اخيرا ضحكتلى الايام

وخلاص اتحققتلى كل الاحلام

وفى حضن حبيبى خلاص هنام

مش حضن كده يا ناس والسلام

مش لاقيله يا ناس وصف ولا كلام

ياه لما يقولى كلمة حبيبى

الحب والاشواق فى قلبى تزيد لهيبى

يارب تكون حاسس بيا وداري بي

يا قلبى وعينى وقسمتى ونصيبي

ده انا بنسى الدنيا وانا وياك

واحلم انى افضل العمر كله معاك

ولا ابعد عنك ثانيه يا ملاك

ازاى ابعد هو فى حد بيتمنى الهلاك

ده انا عشت عمرى كله بتمناك

ده انا عشقت كل حاجه فيك

من لمسة ايديك لنظرة عنيك

يارب اقدر اسعدك ومعايا اهنيك

مافيش كلام تانى اقوله فيك

هو ايه ده الى هيوصف حبى ليك

يا حبيبى حبك ده كل منايا

واننا نعيش سوا وتحس بهوايا

وتفضل فى حضنى ديما ومعايا

ده قلبك هو طبيبى ودوايا

اوعدنى انك يوم ما تفارق حضنى

ضمنى اوى وبين ايديك خدنى

ده مين ده الى منك هياخدنى

يلا نحلم ونحب وندوب الاشواق

ونقول يلا ابعد عنا يا فراق

ده انا بين ايديا حبيبى يا سبحان الخلاق

جمال مافيش زيه فى الكون

ولا كان فى زيه ولا هيكون

ده اطيب قلب واجمل وارق عيون

هو ده الى على حبه هصون

ولا فى يوم دمع عينه عليا يهون

ده قلب طيب رقيق وحنون

هطلب انا ايه تانى

ده حبيبى هنا معايا بين احضانى

يابختى ان الهوا عليه رمانى

وانت بين ايديا اتحققتلى كل الامانى

هنأيد انا وحبيبى فى عيد حبنا الشموع

ولا نبكى تانى ولا ننزل تانى اى دموع

دى الثانية فى قربه تداوى اى فؤاد موجوع

ويكون صوت حبنا لكل الناس مسموع

وايه يعني امشى فى طريق مافهوش رجوع

ده حبيبى فى اخره مستنينى

اعمل ايه لاقيت قلبى اليه مودينى

ده حضن حبيبى هناك هيدفينى

ومن الاوجاع حبه هيشفينى

وبايديه هيمسحلى دموع عيني

والله ما خسارة فيه عمرى وسنينى

ولو طولت حتى هديله روحى

ويابوسة مرسومه على خده بالحب فوحى

وبحبى وشوقى ليه صرحي وبوحي

اه يا ويلى من بعده هتزيد جروحى

ابكي عليه يا عيني ونوحى

ويا دموع فين ما يروح وراه روحى

ازاى اعيش انا من غير حبيب روحى