كتب عيد صالح فضفضة من الاعماق

ورجعت ليا من تانى

حبيبتى وملكه زمانى

بعد ما افترقنا عن بعض

رجعت ليا تانى وقدرت تحافظ ع الوعد

رجعت تقولى مقدرتش عنك استغنى

وحياتى من غيرك كانت حياه بلا معنى

مش هقدر من النهاردة اسيبك

رجعت ورجوعها لينا اكبر دليل انها بتحبنا

رجعت تقولنا مقدرش ابعد عنكم تاني دة مستحيل

قالتلى كلمه مقدرتش انساها

كانت قالتها زمان ومكنتش عارفه معناها

قالت طول عمرى هفضل معاكم

ولو بعت عنكم بكنوز العالم اشتريكم

عرفت قد ايه انها حبتنا

عرفت انها رجعتلنا ومقدرتش تنسانا

قالت دى غلطه عمرى وهكفر عنها بدموعى

واقبلوني معاكم من تاني واقبلو رجوعي

عملت نفسى تقيل شويه ...قولتلها سيبينى مع نفسى افكر شويه

قالت عشان خاطرى يا حبايبي دا انتم الي ليه في الدنيادي

خانتنى نفسى فى ثانيه ...ومن غير ما اشعر او احس

قولتها ياحببتي ياغالية كلنا بنحبك يمكن قدك او حتى مرة ونص

ضحكت وقالتلى بس مرة ونص بس

قولتلها كفايه عليكى دى الناس علينا هتبص

ولقيت قلمها نزف بالشوق لينا 

وقالتلى قولى انكم مش زعلانين لغيابي ولقراري

قولتلها مين دة اللى يزعل منك انتي دنيتنا

قالتلى انتم الي دنيتي ولا عنكم اقدر استغني

وعندى اغلى من اهلى وناسى

قولتلها بنحبك وهنفضل نحبك وعمرنا ما هنبعد من جنبك

قالتلى بكلامك دة رجعتلى من تانى روحى

ووعد منى ليكم عمري ما راح افكر ابعد عنكم تاني

دا انتم حياتى وعمرى وكل كيانى

وبصوت عالى ومليان حنيه قولت للعالم كله حبيبتى رجعت ليا

خلاص رجعتلنا من تاني وفرحتنا 

ربنا ما يحرمك مننا ولا نتحرم منك

ياغاليتي ودنيتي وربي هو العالم