كفاية هروب

***********
نفس الناس نفس الخِلْقَة.... مش نفس قلوب
السوس ضارب في جذورهم ..وماليها ذنوب
وعقول مَرْضَانه وشَالَّنا ........فِكْرَها معيوب
كل اللي شاغلها ....مصلحتي أقضيها يادوب
لاجار لِها عاد يفرق ولا صاحب وأُخُّوه تدوب
معرفش الصالح مين فينا ....ومين المعيوب 
كله  شايف...... حقه حاضر......... بَيِّنْ مكتوب
والاقي لساني ولسانهم متلون ...كله مكذوب
بصيت في مرايه كدا لنفسي.........قلتلها تتوب
قبل ماتحاسب وتعايب.......... دا  لازمها تؤوب
لازم  تتحاسب وتحاسب .......دا لكل غروب
من غير تنظير تحذير........  دا مفيش مهروب
كله واحد بمصير واحد........... بَفْتَه  وهتدوب 
مش مستاهلة فيها نتعادي........... ولا نتمادي
ويعيش فيها الواحد منا .......مهموم مكروب
قبل ماتيجي تواجه .............. واجه نفسك 
وكفاية هروب 
****************
مايسة إمام