كيف تقيمين نزلهالبرد ازاي تحمي طفلك من كثرة الادوية امتى تودي طفلك للطبيب

كتبت :- إيمان رأفت
اول غلطة .....انك تجري بطفلك للصيدلية وتقوليلهم الحقوني!!
مش هظلم كل الصيادلة واقول ان هدفهم انك تشتري ادوية...ولكن فعلا الصيدلي (ده لو كان طبيب صيدلي اصلا اللي واقف) معندوش قدرة على تقييم شدة النزله !! 
كل اللي هيعمله انه يعرف منك ان الطفل عيان ....اول حاجة هيطلعك علبة #المضاد_الحيوي !!! ده لو ماداكيش حقن وقالك دي سريعة ....وبالتالي تخسري مناعة طفلك باستخدام مضاد كان ممكن تتجنبيه ...وهيديكي موسع شعب ونقط مناخير ودوا سخونية و ...و..
الفكرة ان الطفل ممكن يتحسن لان طبعا النزلة اصلا مكانتش مستاهلة علاج .. فما بالك انك اديتي مضاد حيوي ...بس #ياخساره هتكوني جيتي على مناعة طفلك ....
تعالي اقولك ازاي تعرفي من نفسك شده النزلة من وانت في البيت ؟؟؟؟؟؟
مبدأيا كدة ومن عند ربنا #اول_٦_شهور النزلات بتكون خفيفة وفيروسية ومش محتاجة مضادات او علاج كتير .....
هنقسم النزلات حسب حاجتين كبار عشان اسهل عليكي
#اولا : معاها #سخونة ولا لا ؟؟؟؟
لو الموضوع مفهوش سخونة ومجرد *رشح *وعطس كتير او *كحة بسيطة و*رفض رضاعة*وعياط كتير *وبراز اخضر وريحته وحشة .. ودي اعراض النزله هتعملي ايه ؟؟؟
هتدي #فيتامين_C نقط ....... ٥ نقط في اليوم 
هتدي #مضاد حساسية زي #فنستيل او #زرتك نقط مرة مساءا
فنستيل نقطة لكل كيلو .....زرتك نص قطاره ..
لو طفل فوق السنة ياخد #زرتك شراب ٥ سم مساءا ...
ولو يعني الكحة تعباكي ندي مهدئ سعال يكون اعشاب 
زي guafa .....rotahelex.....sina dry .....ivyrospan
كلهم ٢.٥ سم ٣ مرات لو عمره اقل من سنة ....
فوق السنة هياخدوا ٥ سم ٣ مرات ..
وتابعي طفلك ٣ ايام .....اتحسن كان بها وتبقي كسبتي مناعته 
مفيش تحسن او سخن لازم تكشفي .....
طب لو من الاول النزله معاها سخونة؟؟؟ 
#ولا_يهمك 
ضيفي لما سبق خافض حرارة اللي غالبا قبل ٦ شهور هيكون سيتال نقط ...... ٢نقطة لكل كيلو كل ٦ او ٨ ساعات .....ده لو عمره اقل من سنة...
فوق السنة ياخد ٥ سم #بروفين كل ٦ او ٨ ساعات ....
واستني ٣ ايام .....راحت السخونة كان بها مراحتش هتكشفي ....
تاني تقسيمة للنزلات هي #شدة_الاعراض يعني ايه ؟؟؟
يعني مينفعش من اول يوم مرض توصل حرارة طفلك ل ٤٠ مثلا ومتكشفيش فورا ....مينفعش تلاقي صدره طالع نازل وبينهج ومانع رضاعة تماما ومتكشفيش .....مينفعش تلاقيه مغيب ودايخ ووعيه مفيش ومش بيعيط ومتكشفيش .....دي علامات مش كويسة تقولك ان النزلة شديدة ومحتاجة تدخل من طبيب .....
انما عيان وبيرضع .....عيان وعمال يضحك ويلاغيكي ....عيان و مفيش علامات تقلق عليه وبيعيط كويس ....
تعرفي ان النزلة بسيطة ولا داعي للقلق .....
لو عملتي كده ولاقدر الله حتى لو كشفتي ممكن تروحي للدكتور الدنيا احسن وبالتالي متخليهوش يزود ادوية كتير ....ممكن يضيفلك موسع شعب اقوى او دوا التهابات قوي او غيره ..في نطاق ضيق
جمدي قلبك وماتخافيش ....
وقيمي الدنيا وادي العلاج البسيط من نفسك مش هيضر الطفل أبدا ...