لا تحزني يا ام الشهيد

بقلم مصطفى سبتة 
لا تحزني يا أم الشهيد
الجنة في استقبال الشهيد
ورب العرش بينادى عليهم
انظر مكانكم بالجنة اكيد 
يا كل أم شهيد وكل أب شهيد
وكل واحد فى البلدعنده شهيد
لو إنت إبنك مات شهيد 
تعرف أكيد قيمة البلد 
مش علشان حبة أسعار
تقولي زيت وتقول سكر
ولا ارتفاع حتى الدولار
والاشاعات إللى بتكتر.
دا إحنا فى حرب يا ناس 
وحصار.للى بيفهم ويفكر.
دا فى كل يوم طلعت نهار
فية كام شهيد فى الإنتظار
ومصميمين ع الإنتصار
علشان تعيشي يابلد
يا كل أم وكل أب
وكل واحد فى البلد.
لو إنت إبنك مات شهيد
تعرف اكيد..قيمة البلد
شهيد كدة بيشيل شهيد
ويوصله علشان نعيش
مع إنة عارف انة شهيد
والدور علية.مبيتحنيش
يرجع ويبدأ من جديد
وحقه ياخدو.مبتنسيش
دا فى كل يوم طلعت نهار
فية كام شهيد فى الإنتظار
ومصميمين ع الإنتصار 
علشان تعيشي يا بلد
يا كل أم.وكل أب.
وكل واحدفى البلد.
لو إنت إبنك مات 
شهيد تعرف اكيد
فعلا قيمة البلد