لحظة كشف

بقلم/نشأت البسيوني 

في لحظة معينة من عمر كل واحد فينا بييجي وقت يكون فيه كل شيء واضح بشكل مزعج واضح لدرجة تخليك تراجع نفسك وترجع خطوات كتير وراك وتشوف قد إيه كنت ماشي في طريق مش بتاعك وقد إيه كنت بتتجاهل مشاعرك وقد إيه كنت بتساوم على راحتك عشان ناس مش شايفاها ولا مقدراها اللحظة دي ملهاش معاد وملهاش شكل ساعات تيجي في كلمة وساعات تيجي في 

موقف وساعات تيجي في خيبة صغيرة تهدم قدامها تراكم كبير من الصبر والسكوت هنا الإنسان يكتشف إن مشكلته عمرها ما كانت في الدنيا ولا الظروف مشكلته كانت في نفسه في إنه فضل يدي فوق طاقته ويهدي فوق احتماله ويبتسم وهو موجوع ويمشي وهو تعبان ويكمل وهو فاقد الشغف وكأنه مجبور يعيش نص حياة نص إحساس نص وجود لكن اللحظة دي لما تيجي بتكسر كل الأقنعة 

وتعري كل الهروب وتطرح قدامك سؤال واحد بس هتكمل ولا هتختار نفسك وده السؤال اللي بيغير مسار العمر كله لأنك فجأة تشوف اللي عمرك ما كنت شايفه وتشوف الخسائر اللي كنت بتسميها عطاء وتشوف الناس اللي كنت بتسميها أصحاب وهم كانوا مجرد استهلاك لمشاعرك وتشوف الأماكن اللي كنت بتسميها أمان وهي كانت استنزاف بطيء لقلبك وإحساسك وفي اللحظة دي بس 

تفهم إنك طول عمرك كنت بتعافر في الاتجاه الغلط وإن القوة مش في اللي استحملته القوة في اللي هتعرف تسيبه القوة في قدرتك تقول كفاية وترجع لنفسك من غير خوف ومن غير لوم ومن غير ما تبص وراك إلا لتتعلم مش لتتحسر ساعتها تحس بنور داخلي غريب نور يخليك تمشي بخفة وتتنفس بعمق وتضحك من غير ما تبذل مجهود نور يقولك إن ضهرك ما كانش مكسور ولا روحك كانت 

ضعيفة انت بس كنت بتحارب في ميدان مش بتاعك ولما خرجت منه اكتشفت قديش انت أقوى وأوضح وأصدق مع نفسك وفي النهاية لحظة الكشف دي مش نهاية ولا خسارة لحظة الكشف بداية حقيقية بداية تعيش فيها لنفسك بداية تكون فيها صريح مع قلبك بداية تكتب فيها فصلك الجديد بالإحساس اللي تستحقه والقيمة اللي تأخرت عليك سنين بداية تقول فيها أنا أخيرا فهمت نفسي وأخيرا اخترت أكون نفسي مش نسخة من توقعات حد