لعنة الفراعنة تضرب الاقصر وأسوان ليفيل لعنة الفراعنة في سنة ٢٠٢٠

كتب/سميرخليل
تخيل معايا إنك ممكن تصحى من النوم تلاقي حاجه غريبة حصلت ومش لاقيلها تفسير ولما تحاول تفسرها تلاقي عوامل كتيره بتربطها بلعنة الفراعنة حرفيا. 

الكلام ده حصل في الاقصر واسوان إلي لقوا فجاءة بيتعرضوا لهجوم غريب من نوعه ضرب عدة شوارع وفنادق في الاقصر واسوان عن طريق حشرة غريبة غزت البيوت حرفيا زي مالصور موضحه كده. 

الغريب إن الحشرة دي حاولوا معاها بكل الطرق والمبيدات لكن بالعكس الحشرات كانت بتزيد وبشكل مرعب جدا

الناس بعد ما يأست اتصلت بالشرطة إلي بدورها بلغت المدرية اللي بسرعة أخطرت رجال الطب البيطرى اللى حضروا على الفور ...وبدئوا فى التعامل مع الحشرة الغريبة دي لكن برضو مفيش فايده

وبعد فترة كبيرة من المحاولات عملوا تركيبة قدروا بيها أنهم يسيطروا ويقتلوا الحشرة لكن مش بصورة كبيرة والتقرير المبدئي قال إن الحشرة دي (هى زاحفة قارضة ماصة، غريبة الشكل، وتسمى القراد وتأخذ جميعها حجم واحد وترى بالعين المجردة، مؤكداً أنه تم البحث عنها بجميع الوسائل، ولكن لم يتم التوصل إلى مصادر لها حتى هذه اللحظة)

الموضوع مانتهاش على كده لأن خرج الدكتور مصطفى محمد صبرى، رئيس قسم بحوث وقاية النبات بمحطة البحوث الزراعية بالمطاعنة بمحافظة الأقصر بتصريح بأن الحشرة ليست قراد وإن إلي انتشر خلال الأيام إلي فاتت حشرة تشبه الخنفساء وأنه عند فحص الحشرة تبين انها خنافس الكالوسوما، و تحديدا “كالوسوما أوليفيري” Calosoma olivieri  وأن الحشرات دي بتعيش تحت التراب في الشتاء وتخرج في الصيف ومش بتظهر في مناطق سكنية، وتعيش في الظلام وهي غير سامة.

وأنها تُصنف من الحشرات المُفترسة والتي تتغذى على حشرات أقل منها مثل( العقارب والجراد والفراش) وتظهر كالوسوما أوليفيري بالتزامن مع هجرة الفراش والجراد وإنتشار العقارب ما يؤدي إلى ظهورها بشكل كبير للمحافظة على توازن الطبيعة، لأن الفراش والجراد بهذه الأعداد الضخمة مُضر للبشر وللمحاصيل. 

وأكد أن الكالوسوما تعيش لمدة ساعات محدودة، ولكن كل وآحده منها تُنتج ما يقارب ١٠٢٤ آخرى وتنمو بسرعة لأن غذائها ينتظرها حال ظهورها.

لكن الغريب في الأمر ان دلوقتى مفيش فراش ولا جراد وكمان مش وقت أنتشار الحشرات دي إلي مكنتش بتتشاف في الاحياء السكينة ووفقا لتصريح دكتور مصطفي أنها بتعيش تحت التراب في الشتاء وبتخرج فى الصيف واللى حاصل حاليا أنها خرجت وبجماعات كبيرة جدا في الشتاء؟؟؟ وبصورة غريبة جدا 

الأهالي في الاقصر واسوان بيقولوا إن الحشرة دي هي جعلان أو جعران وإن مصدرها هو مقابر الفراعنة وانها خرجت نتيجة لعنة.. واللعنة دي نتيجة محاولة فتح أو فتح مقبرة فرعونية فيها لعنة قوية.. وزي مكلنا عارفين إن لعنة الفراعنة بترتبط دايما بحاجه معينة زي الموت أو النحس أو انتشار شيء معين زي الثعابين وممكن يكون حشرة الجعران 

المصريين القدماء كانت لهم معتقدات دينية وكانوا يعتقدون بأن هناك شر في العالم والجعران ده إلي هيحميهم فكانوا يحملوا الجعران كتمائم تقيهم من الشر وكانوا يشبهون تلك الخنفساء بالشمس التي كانوا يعبدوها متمثلة في الألهه وأيضاً إستخدم الفراعنة الجعران في إستخدامات أخري فقد كان يضع الفراعنة الجعران المصنوع من اللون الأخضر فوق صدر الميت قبل دفنة.

من_غرائب_الجعارين_المكتشفة_في_المقابر 
في عصرنا الحالي يتم بيع الجعران الفرعوني من خلال تجار الآثار بأسعار كبيرة جدا ويتم بيعها في أوروبا بسبب إعتقادهم أن الجعران يجلب الحظ وسبب هذا الإعتقاد بعض الغرائب التي لم يجد لها أحد تفسير حتي وقتنا الحالي من تلك الغرائب التالي .
١ – إذا عصرت علي الجعران الأصلي قطعة ليمون فإنة يتحرك وكان الحياة دبت فية مرة أخري .
٢ – نتيجة السحر الذي وضع داخل تلك الجعارين فإنها تتحرك علي نوع معين من الرخام وتتحرك حركة ذاتيه .
٣ – إذا وضعت الجعران الأصلي علي لوح زجاج فإنة يتحرك دون أن تضع علية الليمون أو خلافة
٤- إلي بيحمل الجعران بيلازمه الحظ السعيد وبتحصله مواقف حلوة غير معروف مصدرها 

والغريب إن أساطير وحوادث كتيرة ربطت بين فتح المقابر وقتل الجعارين دي لللصوص للي بيحاولوا  يدخلوا المقابر دي والي بيهجموهم بإعداد كبيرة جدا... وده إلي ربط بين ظهورها في الوقت الحالي وبين لعنة الفراعنة 

موضوع انتشار الحشرة الغريبة دي في الاقصر واسوان حتي الان ملقوش ليه أي تفسير علمي.. إنت من وجهة نظرك تفتكر التفسير ممكن يكون إيه ؟