لقد أوشك علي الرحيل بقلم مصطفى سبتة

لقد اوشك علي الرحيل
رمضان جاي بيناديك
عدي مني النص فينك
لومشيت مش هتلاقيني
ولو هتبكي بدمع عينك
شهر واحد جاي وماشي
جاي اصحح لك حياتك
وانت نايم وانت قايم
وانت صايم تتغفر لك
جميع سيئاتك.
سيئاتك تتمحي اه تتمحي
كل خير تلقاه مضاعف
الف الف الف الف مره
كل بصه ف المصاحف
كل ذكر وكل سجده
كل شكر يجيك مزيد
كله مكتوب ف الصحيفه
ربي حافظه ليك يزيد
مش بينسي منه ذره
يلا قوم وفوق وروق
وافتكر انك يا مان
علي رقبتك الف طوق
والعتق كل ليله ف رمضان
رمضان اهوجاي يقولك
ياللي كرشك همتك
يا عم خاف علي صحتك
رمضان مش كله اكل
عبي وادفس معدك
وتنسي ربك والعباده
رمضان م المولي فضل
بيه تنور سكتك
بيه تنول دار السعادة