مابين الحب والكره تتأرجح المشاعر

بقلمي جمال القاضي
( بدون فصحى )  

 بتسأل نفسك سؤال غريب وحضرتك لو ركزت مع نفسك شويه هتعرف الاجابه ،

 السؤال  هو ليه الناس كلها بتكرهني ؟  

آولا مش صحيح ان  كل الناس بتكرهك زي مابتقول عن نفسك ،
وطبيعي انك تعيش في الدنيا وتلاقي متضادات في العلاقة مابينك وبين غيرك من الناس ، وال معاه بتتارجح المشاعر  مابين الكره والحب ،  ومستحيل إنك تلاقي إتفاق على حاجه واحده من المشاعر تجاهك يعني صعب إن  الناس كلها تحبك ، وصعب كمان إن كل الناس تكرهك ، لكن مصطلح حب آو كره الناس لك هو مصطلح نسبي ، و دايما قابل للتغير من وقت للتاني  ، وكله على حسب تعاملك في المواقف ال بتتعامل فيها مع غيرك ، وكمان على حسب نسب مكونات وتركيب  دمك ، مع إن المكونات في التركيب واحده لكن النسب لها مختلفة وبالتالي سرعة حركة المواد المسئولة في سرعة أوبطئ الإستجابة بتختلف من شخص لآخر ،

 على فكره فيه دم كده تلاقيه مقبول بطبيعته لشخص ما ممكن تقابله بالصدفة ومن غير اي كلام معاه ولاسابق معرفه ، 

طيب هو فعلا الدم ده له علاقه بالحب والكره ؟
 الجواب أه ، له علاقه ، فيه فصايل دم بطبعها مقبوله ، لأن صاحبها مرح ومش بيشيل من غيره ودايما بيضحك في وجه الناس ، وزي ماذكرت الإستجابة ونوعها وسرعتها مختلفة ، ودايما الإنسان المقبول بيخفي عن غيره  حزنه بس بيكون معروف إنه حزين بمجرد ماتشوف  ملامحه ، لما فجأه بيتغير من مرحه لسكوته  ، زي فصيلة دم o  وفصيلة دم A   ومش معنى ذكر نوعين من فصائل الدم ووصفها بالقبول يبقى الباقي غير مقبول لكن ذكرهم على سبيل المثال فقط وغيرها نفس الشئ ، وفيه فصايل تانيه دمها مش مقبول وكمان رد فعل صاحبها بيتصف بالبرود والإستجابه في المواقف مش بالسرعه المطلوبة  ، علاوة على كده إنه بيظهر للغير مع هذا الفتور انه شخص مش بيهمه زعل الغير أوفرحهم  ومش بتفرق معاه حالتهم   ،

اما وصف انسان انه محبوب للغير او مكروه عندهم ،  فبيرجع للتفاوت في النسبة المئوية مابين الأشخاص كونه مقبول عندهم أو مكروه  ، لو كانت الأغلبية في النسبة  مقبول عندهم  بمعني أنها  اكتر من 50 %    فبيكون فعلا إنسان محبوب ، ولو كانت الأغلبيه العكس. يصبح الشخص  مرفوض في قلبهم ، وساعتها بيوصفك الغير بانك شخصية غير مرغوب فيها ، بس النسبة البسيطه ال باقيه وال ممكن تكون بتحبك فهم أشخاص بتشبهك  في معظم تصرفاتك وبالتالي بتكون مقبول بالنسبه البسيطه الباقية دي ،

لكن دايما النسبة قابلة للتغير في حالة الحب والكره المرتبط بالمواقف والتصرفات ، أما المرتبط بفصيلة الدم فهو صعب التغير او تغيره بطيء للغاية ،  وعلشان التغير في النسبه مش ثابت فبتتغير حالات الحب والكره من وقت للتاني 

وفي النهاية لو ربنا بيحبك يضع لك القبول في قلوب البشر , ومقياس حب ربنا لك بتشوفه من حب الناس اليك  وبالتالي عليك إنك تقرأ حبك أو كرهك من الناس ال حوليك من  عيونهم دايما وتحاول تغير فيه بفعل  بشئ يرضي ربنا علشان نسبة الحب تتغير مع الناس بحب ورضا الله  عليك  ، جعلنا الله واياكم من المقبولين عنده .