(متنكريش)

أبو رامي الاسواني
١/١٢/٢٠١٩

لما انتي عايزه تبعدي
ليه متقوليش
حقك طبعاً تزعلي
ومتسأليش
وكل ذنبي اني بحبك
مانتي كنتي بتعشقيني
ولما كنتي بتناديني
كنت بعمل قال ناسيكي
كنت بشوفك
رايحه جايه
وكنت بشوف
نظرة عنيكي
لما كنتي بتنظري لي
وكنت بعمل مش هنا
وكنت بشوف
جواكي حزنك
كنت بحس بنبض قلبك
لما عنيا بتيجي فعنيكي

انا كنت صح قاسي عليكي
بس برضو متنكريش
اني بحبك
ومتنكريش
اني لما كنت بعدي جنبك
زي كأني خيال وطيف
مشيفانيش
وعمري ماحسيت بحبك
وكان ده زنبك
معرفتنيش
ده انا لو عرفت مره انك
حاسه بيا ومبتتعاليش
كان زمانه قلبي رق
وتلاقيني تملي جنبك
زي طيفك
وخوفك
كان زمانه راح وزال
لكن كنتي عايشه بغرورك
ولما قلبك بدء يحن
كان خلاص قلبي نسيكي