مقال عن الأصدقاء

بقلم الصحفي أحمد المنسي
في حياتنا هناك العديد من الأخوة والأصدقاء الصداقة والأخوة هم رمز بناء السلام والمحبة بين الاخوات والأصدقاءويمكن تصنيفهم كالأتي :- ١- صاحب وأخ أصيل دة تلاقيه صاين العيش والملح والعشرة اللي بينكم ووقت الشدة يكون هو سندك وضهرك ولو خيروه بين المال وبينك يختارك ويسندك لحد يوم دفنتك ٢- صاحب ملهوش أمان او بتاع مصلحته بمعنى لو صاحب فيوم طلب منك مثلا فلوس وكنت ف زنقة ومبخلتش عليه وادتهمله دي إسمها جدعنة وبعدها بفترة كنت محتاجهم عشان ظروفك ومرضيش يديهالك واديتله فرصة مرة واتنين ومرضيش يديهالك تبقا دي اسمها ندالة وقلة أصل ويبدأ يتحججلك بأعذار واهية وف الاخر يطلع ندل معاك وميستاهلش الجدعنة دي كلها حقك تاخده حتى لو بالقانون لو في ٢٠٠ جنية حتى متسبهمش ٣- الصاحب اللي يسيب صاحبه عشان بنت ميبقاش رجولة هتقولي ليه هقولك لإن الراجل بيكون معاك ليوم دفنتك وعمره مابينساك لكن البنت بتحاول تشتغلك طمعا في الفلوس او بتوقع بينكم وتخليكم تخسروا بعض بعد عشرة طويلة لمجرد اشاعات سمعتها ولمجرد انها عايزاك ليها وبس خدها مني ياصديقي نصيحة  أوعى فيوم تخسر صاحبك من غير ماتعرف ظروفه او  حتى يكون في بينكم عشرة وعيش وملح او حتى مشوفتش منه حاجة وحشة  وحتى لو هتعاتبه يبقا العتاب بينكم وبين بعض ف البيت لكن مش ادام الناس عشان ده تصرف غلط ومش مقبول اطلاقا٤- الصاحب اللي بيغير منك لمجرد انه شافك ناجح فيحاول يكرة الناس فيك والناس لمجرد انها سمعت اشاعات مغرضة تصدقها وتسيبك من غير ماتتأكد الدنيا دوارة ياصديقي ولايبقى غير السمعة الطيبة والعمل الصالح مهما حاول أهل الشر انهم يوقعوا بينكم إفتكر حاجه واحدة الذكريات الجميلة اللي بينكم وإن اللي بيسمع غير اللي بيشوف بعنيه ليس كل مايقال يصدق وليس كل مايصدق فهو الحقيقة ومتحكمش على حد من مظهره وميبقاش هو بيحبك وبيعتبرك أخ وصاحب جدع وانت تبيعه او تخسره او تطعنه من ظهره  لمجرد اشاعات وقعت بينكم حط نفسك وحاول تعيش ربع اللي هو عاشه ساعتها هتعرف هو عانى قد اي لحد مالقاك وسند عليك واعتبرك أخ وصاحب غالي عليه فكر بقلبك وعقلك قبل ماتخد اي خطوة تضرك او تضره وإفتكر إن الرسول الكريم صلى الله عليه وسلم علمنا أن نعامل الناس بمثل معاملتهم معاناٱعمل عملا صالحا في حياتك ولا ترضى لصديقك أو أخوك مالا ترضاه لنفسك أتمنى أن تكونوا استفدتم