مين الشهيد؟

الشاعر / سمير أحمد القط

الشهيد هو اللى ضحى 
وقال ياعمرى يوم 
ماانسى ف يوم بلادى 
واللى اقسم لو تنحى 
انه خاين يفوق اعادى 
واللى شاف دمه سايل
ومات يدافع وهو راضى 
واللى ودع يوم صحابه
وقال فداكى وانا راضى 
الشهيد تشهد عزيمته
انه درع لكل عادي
الشهيد هو اللى دافع 
واللى جاهد
واللى ذكره خير هادى
الشهيد عمره مايقتل
او يخون او يبيع يوم لبلده
لجل غاية وبوس ايادى
الشهيد حيى دايما
ورزقه باقي عند ربه
قيمه عاليه وغيره عادى 
الشهيد مش بس كلمه 
او شعار نقوله دايما 
ع اللى قال للسفاحين
دول عشيرتى دول ولادى