بقلم / ياسمين حافظ
مين اللي قال إن الحب مبقاش له مكان
والنفوس اتغيرت مبقاش ليها أمان
مين اللي قال إن الطيبة والجدعنة ضاعوا من زمان
مين اللي قال إن اللي بيخاف ربه عايش ضايع وسط الحيتان
واللي عايش في اللهو والتوهان هو اللي بيطلع منها كسبان
مين اللي قال إن الدنيا مبقاش فيها راحة وأمان .. و البني آدمين فيهم سم التعبان .. وكل الناس بقت عايشة في التوهان
مين اللي قال ان قلة الأصل والدين طريقك السليم للأحلام
مين اللي قال إن الظالم صاحب القلب الناقص الجبان هو اللي دايماً عايش مرتاح البال
و الصادق الأمين المخلص صاحب القلب الطيب و بالحب شبعان هو اللي دايماً عايش تعبان بيتهان
مين اللي غير الواقع يا بشر .. مين السبب في كل اللي حصل
مين اللي ضيع من حياتنا الإحساس بالراحة والجمال
مين اللي ضيع من حياتنا العشم والسلام
مين اللي قال ومين السبب !!! دي حكاية طويلة محفورة جوة كل إنسان ..
إضافة تعليق جديد