نجوم تركت علامه وبصمة في القلب الفنانه الراحله سعاد حسني

إعداد الكاتب سمير الشرنوبي 
•مواليد ٢٦ \٦\١٩٤٣

•والدها دمشقي وامها مصريه لذلك كانت اصولها سوريه ومصريه .

•اتولدت ف عائله فقيره جداا كان ليها ١٦ اخ واخت لكن مش من نفس الاب كانو ١٠ فقط ينتموا لوالدها و٦ ينتموا لامها وكان ترتيبها مبين اخواتها ال١٠ وكان اشهر اخواتها من الاب وهي الفنانه نجاة الصغيرة.

•والدها كان رافض فكره تعليم البنت لذلك اقتصر تعليمها ف البيت 

• لما وصلت سعاد حسني لسن ال٥ والدها وامها انفصلوا وده اثر عليها جدا لانها كانت بتحب ابوها وقريبه منه اوي لذلك كانت دايما بتتمني انها تعيد طفولتها كانت بتتمني تعيشها بعيده عن المشاكل والضغوطات .

•سعاد حسني لما كبرت ودخلت عالم الفن والتمثيل كان اول عمل ليها كان عمل مسرحي وهوا مسرحيه هاملت لشكسبير وكان السبب ف انها تتشهر الشاعر عبدالرحمان الخميسي لانه هوا اللي اكتشف موهبتها وبعدها المخرج هنري بركات عرض عليها فيلم حسن ونعيمه وده كان سبب شهرته جداا وكان عرض الفيلم سنه ١٩٥٩.

• وبعدها اتعرض عليها افلام كتير وكان اكترهم شهره ( صغيره علي الحب - الزوجه الثانيه - خلي بالك من زوزو )وفي وقتها عملت اكتر من ٩١ فيلم .

• سعاد حسني اتجوزت من ( عبدالحليم حافظ -  صلاح كريم - علي بدرخان - ذكي عبدالوهاب - ماهر عواد وده كان اخر زوج ليها وكانت علي ذمته لحد مااتوفت)

• في سنه ١٩٧٩كرمها الرئيس أنور السادات في احتفالات عيد الفن .

•من بدايه سنه١٩٨٧ بدأت تمرض وبتعاني من مشاكل صحيه ف العمود الفقري وف وقتها بدأت تقل ظهورها امام الكاميرات واضواء الفن والتمثيل والشهره وكان اخر عمل ليها ( الراعي والنساء)سنه ١٩٩١.

قصه موتها :

• ف وقت موتها هي كانت ف لندن بتتعالج هناك تقريباً .

• يوم وفاتها كان ٢١\٦\٢٠٠١ وكان وصل عمرها ل٥٨ سنه.

 قصه وفاتها  وهي انها انتحرت بسبب الضغوطات والمشاكل اللي اتعرضت عليها وقت مرضها وانها قبل وفاتها بيومين خرجت من المستشفي وكانت بتعاني من اكتئاب حاد وده اللي صرح بيه الطبيب الشخصي تبعها وهوا ( عصام عبد الصمد الطيب) لكن نظريه انتحارها كان مشكوك فيها جدا وناس قالت انها اتقلت الله يرحمها ويغفر لها 

• احب اقول ف الاخر ان سعاد حسني مازالت سندريلا الشاشه العربيه.                                  تحياتي وتقديري لمعاليكم السامية اصدقائي واحبابي