نصائح تهمك في صيامك في رمضان

كتب /ثروت ابو المعاطي

للأسف أنك تشرب كميه كبيره من المياه فى السحور مش هيمنع العطش الشديد اللى بتحس بيه وانت صايم 
_لانك بعد الفجر بنص ساعه او ساعه بالكتير بتدخل تتخلص من كل المايه ديه وتاني يوم وانت صايم بتكون عطشان جدا ولكن لو عايز صيام من غير عطش أعمل ال 4 حاجات دول 

1-اشرب كمية مايه كتير ولكن قسمها على مدار الفتره من الفطار للسحور بمقدار كوبايه كل نص ساعه او ساعه الا ربع بأجمالى من 8 ل10 كوبايات فى اليوم 

2_اهتم بالاكلات اللى فيها بوتاسيوم , لان البوتاسيوم بيحافظ على كمية المايه فى جسمك ويخليك متحسش بالعطش , وطبعا من أهم الاكلات اللى فيها بوتاسيوم هو الموز والبطاطا والشوفات والخضروات اللى ورقها اخضر والشوكلاته الغامقه 

3_أبعد عن الصوديوم اللى موجود فى ملح الطعام , الصوديوم هو العدو الاول للمايه كل ما هتقلل من الصوديوم كل ما يمنع العطش , فقلل من الملح فى الاكل بتاعك على قد ما تقدر

4_أهتم بأكل الخضروات والفواكه فى وجبة السحور لأنها بتكون غنيه بالمايه اللى جسمك بيمتصها فيخليك مرتوى ومتحسش بعطش
كل عام وانتم طيبين وبخير ورمضان كريم