هشام فتح الله يكتب: إغتصاب ورده (فلسطين)

بقلم : الإعلامي الشاعر هشام فتح الله

لعبونا لعبه وضحكوا هما علينا..

فتّحي ياوردة غمضي ياوردة.

وردة تعبت من الكلام

هُمّا ورا وإحنا قُدّام..

وهما عينيهم عليها

وردة ملكة الجمال..

يخبطوا كُرسي في كُلوب

يعملولنا كام مطب!!!!

وإحنا بالغباء نطب…..

لما تكون قادر تعيش

وتمد إيدك للخسيس

إعرف إنه راح يكُب..

مش محبه أو إحترام !!!

كَسر عين ودة مش كلام..

وردة كانت حلوة جداً

صلى فيها الأنبياء

والخسيس شايف جمالها

واحنا مش قادرين نصونها..

خدها هوّ وإختصبها!!!!!

وأجبرنا نحضر فرحها

وعملِّنا شاشه كبيرة

نشوف منها أوضة نومها

ونتفرج كمان على سريرها..

وهو خنزير متعافي

وهي بتصرخ مش لاقيه

حد ياخدها من إيدة !!!!

خد عرضها بالإغتصاب

وحط راسنا في التراب..

لإمتا هنفضل بنطاطي

قدام خنازير بتتعافى؟؟؟؟

يا أمة المليار متى ستكونوا أصحاب قرار؟؟