رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الأحد 15 مارس 2026 7:30 ص توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
محمد عبد المنعم
والمجروحين كتروا
والناس اللي بتفرح ع الايد ما بيتعدوش
والطيبين افتكروا
الدنيا مش بتجرح يا عينى ما يعرفوش
الدنيا معاندة معاهم ومعاهم جاية بالعكس
براهم غير جواهم ومين بيهم يحس
وليه مستقصداهم
واخدين توكيل م الحزن ف حياتهم نقطة سودة
وكل طريق يمشوه تلقى الجراح مفروضة
موجودة علطول وياهم
والفرحة حلم ضايع مالهاش مكان ولامطرح
دا ف عز ضعفهم
بتدوس على جرحهم
ما جاتش ف صفهم
مرة واحدة الحياة
ومين بس ف وجعهم
حس بيهم سمعهم
طبطب ومسح دموعهم
دا طريقهم كله اه
واخدين توكيل م الحزن ف حياتهم نقطة سودة
وكل طريق يمشوه تلقى الجراح مفروضة
والفرحة حلم ضايع مالهاش مكان ولا مطرح
ياما بكيت شموعهم
سيول تنزل دموعهم
ومين همه وجعهم
غير حد زيهم
مجروح والجرح صاحبه
ف كل مكان يصاحبه
واللي عايش بقلبه
ييجي يقعد جنبهم
واخدين توكيل م الحزن في حياتهم نقطة سودة
وكل طريق يمشوه تلقى الجراح مفروضة
والفرحة حلم ضايع مالهاش مكان ولا مطرح
المجروحين كتروا
إضافة تعليق جديد