ياروحي مُـشـتــاق بقلم مصطفى سبتة

طول عمرى وانا ليك مشتاق
تلاتين مشتاق لعنيكي ياقلبي
علي مِيت ولهان أصلاً فيكي
وباحب إني أسكن لياليكي
وباحب عيوني توديكي
لـقلبي و الجنة هناك
جَنتنا دي ليكي يا أحلي ملاك
ياسمينها هانمشي بـ رِقة عليه
والفُل هايصبح أراضيكي
ف عيونك نني رَح أدعي إليه
يحميه ياعيوني ويحميكي
وبحبك أه والف أه بحبك
وبحب أنا قلبك يبقى
تملِّي واخدني معاه
وبادوب وبادوب وبادوب
في عنيكي وبحب هواه
وأحتار وأنهار لو قلبك
ياحياتي مره يقول الأه
أنا أصلاً ساكن نبضاتك
أنا عاشق قولك وسُكاتك
أنا جوة عنيكي بكون مرتاح
والراحة دي نظرة في نظراتك
والفرحة؟ دي كلمة في حكاياتك
والدنيا جمالها بجد صحيح
كان طفل بيحلم بصفاتك
والسما، والأرض وكل الكون
لو يحزن قلبك يتهَدوا
مع أول دمعة في دمعاتك.