ياسر عامر يكتب ..."يا باشا كل سنة وانت طيب"

بعد ما ولي الشهر الكريم وكلنا الكعك والبسكويت والرنجة ومر علينا العيد السعيد  دعوني اهمس في اذنيكم واقول مثل ما كان يقال " يا باشا كل سنة وانت طيب" من اكثر العبارات التي تستخدم كحق يراد به باطل تبدأ العبارة من بداية شهر رمضان المعظم تستمر لما بعد عيد الفطر لفترة قد تصل لعيد الاضحى المبارك ايضا تذهب لشراء سلعة تجدها بسعر مرتفع اكثر من الارتفاع المقرر تسأله يرد  " يا باشا كل سنة وانت طيب" وإنت طيب .
كنت  تذهب لإنهاء مصلحة في مكان ما تجد المسؤول غائب او نائم وإن كان صاحي فهو متعصب ويعاملك كأنك سارق مال ابوه واللي خلفوه ولما تشتكي يقولك " يا باشا كل سنة وانت طيب"  وإنت طيب.

الناس في الشارع يتعاملوا معاك بقرف كانك مسئول عن صحيانهم المبكر يتعصبوا عليك وعندما تعترض يقولك " يا باشا كل سنة وانت طيب" وإنت طيب ،  راكن عربيتك في مكان تتخبط ولما تضايق يقولك" يا باشا كل سنة وانت طيب" وإنت طيب.
تذهب لإجراء كشف في مستشفي يقولك الدكتور مجاش ولما تسأل يرد " يا باشا كل سنة وانت طيب" وإنت طيب
 سلوك بشع وبغيض لا يتماشى بأي حال من الأحوال مع الشهر الكريم شهر الرحمة والبركة ولا يعني جملة" كل سنة وانت طيب"  ان تكون متسامحا وتقبل كل ما يحدث لك من الطرف الاخر من سلوك عنيف او سلوك غير لطيف يتنافى مع ما تعلمناه في ديننا الحنيف او حتى ما تعلمناه من مبادئ الانسانية ولا يجب بأي حال من الأحوال الزج بهذه العبارة الجميلة مذيلين بها اية مشكلة تحدث .. حتي بعد انتهاء شهر رمضان الكريم وعيد الفكر السعيد مازالت عبارة " يا باشا كل سنة وانت طيب" طيب ليه مهو مفيش مناسبة يقولك ازاي عيد تحرير  سينا، و عيد العمال وعيد القيامة المجيد، وبنستعد لحج بيت الله الحرام وعيد الاضحي المبارك " ياباشا كل سنة وانت طيب" طيب .