ياسمين حافظ تــكـتـب "رسالة شهيد"

متقلقيش ياما أنا عايش مرتاح هنا في الجنة 
قاعد ويا صحابي بندعي لبلادي 
متقلقيش ياما أنا قبري كان نور مش ضلمة 
رتبتي شهيد والملايكة حواليا بالشموع بتقيد 
وصيتي ليكي ولادي علميهم إزاي يحبوا بلادي 
عرفيهم إنها مصر، مصر رمز النصر 
علميهم معنى الحب والأمان عرفيهم إننا بواسل أُسود منعرفش الهزيمة والإستسلام 
متقلقيش ياما أنا هنا حاسس بالأمان والضمة 
عارف إنك حزينة وشايف دموعك غزيرة 
إطمني وزغردي ياما أنا في وسط صحابي في الجنة 
فرحان مبسوط شايف مصر أم الدنيا 
بنيلها وشعبها الأصيل هتفضل مصر رافعة رايات النصرأ وشعارها الدائم الآية اللي قالها رب العالمين أدخلوها بسلام امنين 
وهتفضل مصر منصورة ومحمية بحبل الله المتين ومتحصنة بحصنه الحصين من كيد الكائدين وأعداء الوطن والدين 
ياما ارفعي راسك فوق ابنك شهيد وقوليها بأعلى صوت هتفضل مصر رمز الأمان والنصر 
إفرحي ياما وزغردي إبنك شهيد و إوعي تعيطي