ياسمين حافظ تكتب .... رسالة شكر

شكراً لكل المساوئ اللي بنشوفها بالملايين
 شكراً للأحداث والمواقف اللي كبرتنا ووفرت علينا سنين ..

شكراً لكل اللي حبونا وفي عز ضيقتنا واحتياجنا كانوا موجودين ..

شكراً للناس اللي غدروا بينا وباعونا واخدين معاهم كل لحظات الحنين ..

شكراً لكل اللي بينصحونا وبيعلمونا صح بالحب والود والدين ..

شكراً لكل حاجة وعكسها عرفتنا ازاي نبقى صح بني أدمين ..

شكراً لكل لحظات الشك وسوء الظن اللي بقت مابينا كتير.. بس عرفتنا في النهاية احنا مين ..

شكراً لكل لحظات الضعف واليأس والضيق اللي مرت علينا وعلمتنا معنى الإيمان بالله ونكون دايما منه قريبين ..

شكراً لكل الناس اللي مروا علينا في حياتنا وعلمونا دروس كتير ..

شكراً لكل لحظات العجز والابتلاءات في حياتنا فهى رحمة من رب العالمين ..

وشكراً ليكي ياشدة يا اللي عرفتيني ازاي امشي في طريقي من غير ما ادور اتسند على مين ..

شكراً لكل ظروف الحياة اللي علمتنا وبتعلمنا دايما السباحة بمهارة في بحرها العميق .. فهى عبرة لكل إنسان قوي ذكي مؤمن وحكيم ..