ياسمين حافظ تكتب .. قومي يامصر وحاسبي كل العدا

عارفة يامصر هتفضلي نجمة في عيني على مدار كل عصر 
عارفة يامصر إن كرامتك بقت بتتهان وزادت فيكِ  قلة الأصل 
بس عايزة أقول لك متزعليش متزعليش يا مصر ومايهمكيش 
إنتِ منصورة و رمز النصر 
إنتِ من غيرك مقدرش أعيش 
كنت فاكرة إني ممكن أبعد عنك وأسيبك كده في همك بس مش هاين عليا  
حاسة بيكِ أصلي  لأني اتولدت علي أرضك هنا
شميت ريحة هواكِ في السما 
حافظة ملامحك اكنك أنا 
عارفة بحبك قد إيه .. قد  حب الأم للضنا
إوعي يا مصر تسكتي قومي يلا وإصرخي
خدي موقف و إسلخي أي حد عايز يهدك أو يبيعك لللئيم
شدي الحيل والعزم وإرادتك اللي دايماً من حديد 
ومايهميكش مهما كانت الأزمات كتير 
بقوتك واصرارك على النصر في كل جهة 
قومي يلا وحاسبي كل العدا 

قومي يلا وحاسبي كل العدا