ياسمين حافظ تكتب ..... " لو "

لو الحديد انسان كان نطق

لو الحجر له لسان كان اتكلم وغضب

ما بالك بيك انت يا انسان

شايف كل اللي بيحصل حواليك ومستمر تتمادى في الغلط

وتفضل ساكت عن الحق وكتمه وواقف زي الحجر

قوم يلا وهم وكفاياك شكوى و زجر

وأبدأ حل في مشاكلك الكتير اللي طالعة منك انت قبل اي مين

شوف كام مرة كنت انسان حقيقي بتتعامل بالدين

نسيت قوانين الحياة وأصول الدين والعقل والمنطق

وبقيت مجرد من كل إنسانية وشمت فيك الحجر والحديد

نسيت ان ربنا خلقك عمارة في الأرض ونشر الحب والجمال والخير

مش فساد ودمار وبلطجة ونشر الحقد والكراهية و ذل الغير

فوق من اللي انت فيه قبل ما يجي اليوم اللي تكون نهايتك فيه

فوق قبل ما تقع ومتلاقيش حد جنبك ويسندك

فوق قبل ما عذاب ربك في الدنيا يغلبك

فمهما كنت قوي عنيد وكبير

فخليك فاكر ان ربنا أكبر منك بكتير

وانك انسان مخلوق من طين

ومسيرك هتتحاسب على كل اعمالك وهتعرف ان ربنا موجود وشايفك في كل وقت وحين

ولو كنت إنسان بصحيح قوم يلا هم وابدأ من أول وجديد .. غير كل اللي اتبدل فيك