ياعم يا بتاع الروبابكيا بقلم رغداء صبيح

ياعم يا بتاع الروبابكيا
عايزة ارجع في البيعه دي
لا مش عايزة فصال خد الجديد من ايامي وهات القديم من زماني
بالله عليك دور في عربيتك علي جيب في الايام الجميلة
لور رجعت هعمل زي ريمه اللقيمه
والي هيقولي يوم سلف هقل به القيمه
ماراحت الضحكة وبقيت حزينه
لمه زمان واللب والفول والافلام
الابيض والاسود هههه فاكرين ولا اقول كمان
صوت عبد الحليم
ولا الريس متقال يابت بيقولك ابوك متطلعيش في الايله
ما طلعت ياعم متقال وخنتها الايام
صدقت ياعم هاني لما قولت الحلم الجميل
فعلا كل ماترجع لبيتك القديم وتدور علي الحبايب وتلاقي نفسك لوحدك حزين
فضت علينا الدار وماتت الاسرار مع الي سبوني وراحوا لاحسن دار رحمه الله عليهم يارب يكونوا من الابرار
لو الزمن رجل كنت اخدت منه بالتار
واشتركت في برنامج جوايز للشطار
وفطرت في رمضان علي صوت بكار