يبلعوا ليك الزلط . !

-----------------------
شعر - هدى عبدالله  
-----------------
يوم ف عالي 
ويوم ف واطي
كل يوم فيهم ندادي 
والمودة والتراضي
اتقدموا 
و لا بردو عاجب
واللي يخبط فيك شوية
واللي يرفع ف الحواجب
فكروك انك مسالم
يعملوا فيك المقالب
فسروا ادبك ده غلب ! 
وانت فاهم مش مدب
تتكسف تكشف مافيهم
واللا باللمز تعاديهم 
فكروك بنبونة سهلة
يقرقشوك ف قاعدة ليهم 
لو بتعمل حاجة حلوة
يمسكوك نكتة و سخافة
و ان نجحت ف شئ وسمع
واللا كلمة راقية تجمع
يقولوا دي عمايلك كنافة
يبصوا ليك من فوق لتحت
ولسه بردو اخدها فحت
ويفشلوك ف كل حتة
وان عاتبت يقولوا نكتة
مانت انت زي مانت 
أنت يعني بتعمل ايه
ده اختصاص و مالكش فيه
تودي والأفكار تجيب
تروح تقول ياخوانا عيب
كل واحد له رسالة
ع الطريق حطينا روحنا
معندناش شغل الندالة 
نشتغل نتعب ده عادي
مش هايرضوا بأي حالة
احنا محناش ناس عوالة 
حفلوا عليك باضطهاد
حفل غربان والحدادي
عيد ميلاد لابو الفصاد
تورتة بالحقد اللي بادي
كل ده وساكت وهادي
بس لو يوم  قام جنانك
يلقوا امشير ف الملامح
إعصار يقوم ويبان ملامك
 هما لو حبوك صحيح
كانوا بعدوا عن خصامك
هما زاهدين اي ود
الخلاصة وبالحساسة
أمي قالت يوم يا بت 
عن مثل فيه وز .. بط
هما لو راضيين عليك
يبلعوا ليك الزلط.