يوم اتقلب فيه كل شيء

بقلم/نشأت البسيوني 

في يوم معين يصحى الإنسان وهو حاسس إن الدنيا مش هي الدنيا اللي كان يعرفها وإن التفاصيل اللي كانت عادية بقت غريبة وإن الحاجات اللي كان بيعدي عليها من غير ما يفكر بقت بتوجعه أو بتلمسه أو بتحرك فيه حاجة ما كانش بيعرف إنها موجودة كأن الوعي نام سنين وصحى فجأة يطالب بحقه في الفهم والوضوح والراحة يومها يبدأ يشوف نفسه بعيون مختلفة يشوف تعب كان 

شايله من غير ما يعترف بيه يشوف جروح كان بيخبيها كأنها مش موجودة يشوف علاقات كان بيحارب عشان يعيشها وهي أصلاً بتسرق منه روحه يشوف خطوات اتاخدت بطبع مش بعقل يشوف اختيارات مبنية على خوف مش على رغبة يشوف إن المشي من غير ما تبص على الطريق مش شجاعة دي غفلة ويبدأ يدرك إن حياته كانت مليانة أشياء أكبر منه لأنه صغّر نفسه وأشياء أصغر منه 

لأنه كبّرها وأشياء كانت قدامه واضحة وهو اختار يعمي نفسه عنها وأشياء كانت في قلبه وكان بيسكتها وأشياء كان يستحقها لكنه تجاهلها وأشياء كان مفروض يبعد عنها لكنه تمسك بيها بقوة غريبة

ومن اللحظة دي يبدأ يغير شكل يومه يبدأ يحط نفسه في أول الصف بعد ما كان آخره يبدأ يحترم صوته الداخلي اللي كان دايما بيطنشه يبدأ يعامل نفسه زي ما كان بيتمنى الناس تعامله يبدأ 

يسمح لنفسه يزعل ويغضب وينسحب ويبدأ يبدأ من جديد بدون ما يحس إنه محتاج إذن من حد ويكتشف إن اللي كان بيدوره بره مش موجود عند الناس ولا الأماكن ولا الذكريات الموجود عنده هو جواه موجود في اللحظة اللي يقرر فيها يعرف قيمته بجد اللحظة اللي يرفض فيها إنه يكون نسخة ضعيفة من نفسه اللحظة اللي يفهم فيها إن الوحدة مش خوف وإن السكوت مش ضعف وإن 

الوداع مش خسارة دايما ومع كل يوم يعدي في الحياة الجديدة دي يكبر جوّاه ثبات ما كانش يعرفه وأمان ما كانش يحس بيه وثقة ما كانتش موجودة وصوت داخلي بقى أعلى من أي ضوضاء برا ويبدأ يعرف مين ليه ومين مش ليه ويعرف حدود يتعامل بيها ويعرف نفسه أكتر من أي وقت فات يفهم الإنسان إن معنى الحياة ما بيتغيرش من موقف واحد ولا كلمة واحدة لكن من لحظة صدق 

لحظة يقرر فيها إنه ما يرجعش زي زمان لحظة يحس فيها إنه اتخلق من جديد من جوّه قبل برّه لحظة يعرف فيها إن الطريق اللي جاي محتاجه كامل مش نصه ومحتاجه واعي مش تايه ومحتاجه قوي مش مستنزف