التقليد الأعمى

أحمديوسف.الإسكندريه

النهارده بقينا نعيش في زمن الصورة فيه بتتكلم أكتر من الكلمة.. وزمن الشهرة بقت فيه أسرع من التفكير.. 

والنتيجة شباب صغير بيتفرج، بيقلد، بيتأثر، من غير ما ياخد باله إن اللي بيشوفه مش دايمًا حقيقي، ولا مفيد، ولا حتى بريء..

لما يبقى اللي بيتصدر التريند لابس لبس شاذ أو بيقول كلام بعيد تمامًا عن قيمنا.. ويُقدم كـ"نموذج ناجح" لمجرد إنه مشهور أو غني، لازم نقلق.. لازم نخاف.. لازم ناخد بالنا من اللي جاي.. 

لأن ولادنا  اللي لسه في مرحلة التكوين  ممكن يفتكروا إن ده الطبيعي، أو الأسوأ: إن ده الطريق للنجاح والقبول والحب..

دي مش بس مواقف فردية، دي خطة ممنهجة  وده مش كلام مؤامرة  لكن فيه فعلاً محاولات مستمرة لخلخلة المفاهيم والثوابت..

خاصة في المجتمعات اللي لسه متمسكة بدينها وقيمها.. واللي بيحصل دلوقتي مش فجأة، دي خطوات صغيرة، متقنة، بتتقدم واحدة ورا التانية..