كتب عيد صالح-في يوم النصر في أكتوبر

في أكتوبر وعيد النصر
في شهر الصوم 
على الجبهة
عشان خاطرك ..
دفع مهرك 
وسال دمي
على ترابك
وشوفت أبويا
في منامي
يا مصر..
في حضني
بتنامي
و أغني لك..
تغني له 
وبفرح جوه أحضانك
في حبك يامصر..
ضحينا
حدود الصعب ..
عدينا
وبسم الله وكبرنا
رفعنا الراية بإدينا 
في حبك يامصر
بحور الشعر
ننساها
و بكتبلك على الأشواق
أنا المشتاق تضميني ..
أنا الشاعر ..
بحالة عشق فياضة
أنا نفسي أكون نيلك
و قنديلك
و انور لك أنا ليلك
أكون لحنك
و أغني لك
عن الأشواق 
وعن عمرك 
وعن شمسك 
وعن قمرك 
وعلى الأغصان
يا غصن زيتون 
حمام أبيض 
تاريخ وحضاره جواكي
ياست الحسن 
يا شايلة الحزن من قلبي
و زارعة الحب جوانا
وحشتيني وأنا معاكى 
أنادي لك 
أنا جيلك
أنادي لك ..
تضميني
وتاخدينى
تلاقيني ..
أنا في نيلك
وأعدي لك من الأهوال
وان طالت ..
هموم الدنيا
لو مالت على كتفك
أشيلها لك ..
وأعدي لك صعاب وصعاب
بحبك يامصر وبقوة
يا نبض القلب من جوة
يا دم بيجري
في عروقي
كتبت لك 
ومن شوقي
بحب في شعبك الطيبة
وروح النصر
بحبك يامصر تحيا مصر تحيا مصر