.

                         

رئيس مجلس الإدارة   ..
دكتورة  / نبيــــــــــلة ســـــــــامي                  

تحيا مصر تحيا مصر                                                

الاعلام البديل 

الخميس 20 يونيو 2019 3:53 م توقيت القاهرة

مهندسة الجلود هالة حسن : أحلامي نكون أنا و زوجي أصحاب أكبر براند في مصر

حوار - مصطفى العطار

هالة حسن مهندسة معمارية حاصلة على بكالوريوس هندسة قسم عمارة دفعة ٢٠٠٧ جامعة إسكندرية متزوجة و أم لطفلين انتقلت ببراعه و دون سابق انذار من مهندسة بارعه في مجال التصميمات المعمارية و الاشكال الهندسية الى مهندسة في تصميم الحقائب الجلدية و صناعتها يدويا من البداية للنهاية ..

تقول المهندسة هاله :
بدأت علاقتي بالهاند ميد من ٨ شهور كنت حامل واضطريت اخد اجازه من شغلي عشان شغلي كمهندسه متعب جدا وطبعا الفراغ اللي حسيت بيه ضايقني جدا فقررت اعمل حاجه بحبها وليها علاقه بالديزاين سمعت عن مبادره الست المصريه مؤسستها رحيمه الشريف وفعلا ذهبت علشان اكون على الطريق الصحيح وفعلا المجهود والنظام اللي قابلته في المبادره سبب في نجاح كل اللي بينتمي لها وانا فخوره اني انتميت لهذا الكيان فخوره اني اتعلمت علي ايد مستر اسلام وفخوره بعلاقه الحب والصداقه اللي بتربطني برحيمه الشريف

و اضافت مصممة الجلود :
انا طول عمري باحب الرسم والتلوين من صغري دايما كنت باشارك في معارض فنيه في المدرسه ومسابقات الرسم وعندي اكتر من شهاده تقدير وكل مدرسيني يعرفوني كويس لاني دايما موجوده في اي حاجه فنيه وفضلت الموهبه معايا وبفضل والدي اللي دعمني وكان بيخليني التحق بقصور الثقافه في فتره الاجازه الصيفيه كل سنه عشان انمي الموهبه اللي ربنا انعم عليا بيها ولما كان يحب يشجعني كان يشتريلي هدايا علب الوان كتير كانت بالنسبه لي افضل هديه في الدنيا ولما دخلت كليه الهندسه كان فرحان جدا وكان دايما يقوللي انا بنيت برج عالي بدخولك الكليه دي لان انا من اسره متوسطه لكن بابا من اكتر الناس اللي بتقدر التعليم وكان دايما يقول انا هفضل اشتغل ومش هحس بتعب طول ما انتم بتتعلمو كويس والحمد لله ربني قدرني وحققت لبابا امنيته اني احط لقب مهندسه قبل اسمي واكون مهندسه هاله حسن واشرف اهلي وبابا وحاليا زوجي كمان

الهندسه كل حياتي انا بهندس وانا برتب البيت بهندس وانا بعمل ديزاين لطبق السلطه اللي هيتحط على السفره الهندسه اسلوب حياه وطبعا اللي فرق بيني وبين زميلاتي وصناع الجلود اني بعمل ديزاين مش مجرد بنفذ فكره حد تاني يعني مش ايد فقط لا انا ايد ودماغ بخلق فكره من خيالي وانفذها بعمل ديزاين كأني بعمل ديزاين فيلا مثلا بحقق توازن فني للوحه اللي هي الشنطه بظبط الالوان سواء هشتغل فيها harmony أو contrast تنفيذ الشنطه بالنسبه لي ماكيت عملت ربط بين الدراسه والجلود ويمكن ده سبب نجاحي الملحوظ الحمد لله

و عن حلمها ذكرت
احلامي اوصل للعالميه و نكون انا وزوجي اصحاب اكبر براند في مصر وخارج مصر لصناعه الهاند ميد نفسي يسرا تمسك شنطه من عندي وان شاء الله هيحصل! عندي ثقه في ربنا انه شايل لي خير كتير ومتأكده دايما اني لسه في حاجات جميله جايه
انا حسيت ان رحيمه شبهي في حاجات كتير اهمها اصرارها علي ان الستات تعتمد علي نفسها ما تكونش مجرد ظل ، انا بحب الست الجدعه اللي مفيش حاجه تشغلها غير انها تحقق ذاتها عشان تنفع اللي حواليها وتنفع بلدها وبيتها واسرتها ورحيمه كده واكبر مثال علي النجاح واكبر قدوه ممكن حد يقتدي بيها بجد بجد رحيمه idol

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.