آخر كلماته على صفحته ميهمنيش أموت دلوقتي ولا أموت إمتى.

قلم/اشرف الابيض

آاااااه يا وجع القلب يا هيثم..
أمك كانت ملاك وأبوك كان أسطورة..
الله يرحمهم مفيش حد اختلف عليهم ومحبهمش..
عيشت من غيرهم يتيم ..
قضيت عمرك وحيد زي أبوك ورحلت صغير زي أمك
وقلتها كتير في كلامك القليل يا هيثم..
الابتلاء إللي جمع بينك وبين أبوك..
الوحدة!!!!!!!
وكنت راضي بحكمة ربنا وعلى يقين إن لكل ابتلاء سبب..
كنت عارف إنك بتتحارب كتير عشان ملكش شلة بتطبل وتصقف لبعضها ،
وفضلت السكوت على إنك تستغل اسم أمك ونجومية وتاريخ أبوك..
ويوم ما كنت تاخد فرصة بهدلوك بقذارة العصر (الكوميكسات والاستظراف السمج الجارح)
وطبعا دلوقتي الكل هيعمل صاحبك وحبيبك !!!!!!
ياريت بس ظرفاء الكوميكس ونقاد الفن الرهييييب اللي قرفوك تنظير وتسخيف !!
وتقليل منك تحت مسمى النقد!!! يكونوا ارتاحوا !!
ويارب يشوفوا الحقيقة ولو مرة ويبطلوا تنمر وتنظير على خلق الله !! يبطلوا ظلم ووجع غيرهم !!
يارب نفوق من الغيبوبة والغفلة اللي إحنا فيها دي !!
مفيش حاجة باقية والعمر رايح في لحظة..
اللي بيروح مبيرجعش..
وخلاص محدش هيقوله ((أسف))
الله يرحمك يا هيثم
عشت حياتك في سكون لوحدك ورحلت عنها في سكوت لوحدك
ربنا يجمعك مع أبوك الغالي ويجعل مثواك.
في حضن أمك في الجنة..
رحيلك مؤلم موجع.. وموتك المفاجىء مفجع!!!
الدنيا بقت وحشه أوي لأننا بقينا وحشين مع بعض أوي ،
انا لله وانا اليه راجعون ،
الله يرحمه ويغفر له ويسكنه فسيح جناته يارب ،
للأسف يا هيثم :
محدش بيعرف قيمة عذاب الناس إللي عايشين لوحدهم غير اللي بيعيش الحاله دي دايما بيبقى عنده هاجس أنه ممكن يموت في أي لحظه ومحدش يعرف إلا بعد فوات الأوان ...
الحياه بقت عامله زي كلبش الحديد وعالم واسع أنت دايما الوحيد إللي بتحس أنك محبوس في قفص حديد لا حد حاسس بيك ولا حد بيطبطب عليك حتى مشاعرك حزنك فرحك ميبقاش له قيمه لأن فرحك وحزنك ليك أنت لوحدك مالهاش اي معنى أو قيمه لأي شخص غيرك في هذة الحياه
حبوا بعض وأسعدوا بعض طول ما فيكم الروح ،
الدنيا بقت وحشه أوي لأننا بقينا وحشين مع بعض أوي أوي
موت مخيف قبض قلوبنا كلنا
لكن ليس أمامنا غير اننا نقول.. إنا لله وإنا إليه راجعون..
وندعي لك ولانفسنا ربنا يرحمنا جميعا برحمته..
اللهم ارحمه وثبته عند السؤال واجعل قبره روضة من رياض الجنة واغفر له
وارزقه نعيم جناتك برحمتك يا أرحم الراحمين..
اللهم ارحمنااااااااااااااا من موت الفجأة..
يارب ما تكتبها علينا ياااااااااارب ..
ادعوا له بالرحمة والمغفرة..
واقرأوا له الفاتحة ..
آخر_كلماته_على_صفحته
((ميهمنيش أموت دلوقتي ولا أموت إمتى.. أنا إللي يهمنى يوم ما أموت أفضل محافظ على مكانتي ))
ومكانتك في القلب محفوظة يا ابن الناس يا محترم..
عمرنا ما هننساك يا طيب يا جدع..
وداعا ..
هيثم_أحمد_زكي
الوحدة_بتموت