أجمل كلمات من البيئة الصعيدية

يا كحل مين كحلك ومين
لف بيك ع العين مراودينك
ويا مراود مين دورك
وخلاك مهاود علي عنينك
وليه يا عنين بتضوي
نور بالكحل حايدينك
ويا مغزل لف قطياناتك
اهو يا خيطه بالراحه برمينك
واشكي يا جرحي برماد
فاير علي دمك السايح طافيينك
يا لنده بطلي بكيه دا
قيطانك سد بلبلة عينك
ونورك ماله مات
عجزتي ولا بتبكي علي جرايحنك
شايفه حواليكي ولا اجيبلك
لنده شباب تنور حوالينك
احطلك غاز ابيض كنتي
تاكليه اف ليليه الله يعينك
دلوكتي يبات ويحول
مالك ايه جري لقواطينك
كنتي قاعدا تونسيني ف
الليل يا داهيه تكوني حاسدينك
ارقيكي يا بنيه واقيدلك
ورقة لحمه اف اولة جمعه! عايزينك
ولا اجيبلك شيخ يعملك
اكتاب يا غاليه والله سامعينك
بتنهتي نورك مالك
ياختي لنكون بلمتنا تاعبينك
طاب اعملك سلكة اعلقك بيها
في الزنقور يمكن الهويات منفنفينك
ولا اردلك الباب تشكيلي
يمكن جنون الليل بعد منام غالبينك
هاجيبلك ابخور اطلقو في
نار كنون صافي ليكون عاينينك
واللي كان فيه سر يا
يا بنيتي قوليه دا بيني وبينك
لو ينفع فيكي الدوا كان جبتلك
كاكولا سودا ع العيا تعينك
تنعسيلك اشويه يمكن الخضه
تروح منك دا من امبارح قايدينك
فاكرا عمنول لما الشته
زود برداته وخلي صقعاته طافينك
قمت ولعتك وطول الليل
حرساكي وحطيتك بين طبابيع مدفينك
دا احنا قرايب في هم الليل
ولا نسيتي مشاكيكي من عدوينك
طياب الهوا بيكفيكي لما تتفضي مصارينك
فاكرا الاف اللي جاي يسحف
علي نورك دويله هفك واتكوي بننانيرك
ولا العقارب اللي كانت تتوكك
وانتي فرحانه تقولش عيال مزغزغينك
فاكرا الديب لما دخل الحاصل
وشاف نورك قعد يجري من زغالينك
اوعي تنوري لحد بعد ما اموت
غير حبابينك اللي رايدينك .