أكتب لقلبي جواب بقلم مصطفى سبتة

حب وحرص من بعدين
لما حبيبك يوم يتغير
شوف فى ساعتها وصلت فين
ولا ازاي بالجرح هتقدر
تاني تكمل وانت وحيد
وانت سعيد هتلاقي الصدمه
حاسس فيها بإنك اخر
حد يكون بيعاشر دنيا
حب وحرص خلي فى بالك
انك مهما هتعشق حاجه
مهما ان طالت مش دايمالك
وقتها راح وملوهش اعاده
اوعاك يوم تستنى سؤال
من اللي بيسال كان فى الماضى
كل قلوب الخلق بتقلب
عندها حب البعد دا عادى
حب وحرص قوي بزياده
كل الناس احساس تمثيل
فيلم عظيم وبدايته سعاده
بس نهايته هتقبى قتيل
مجهول اسمك وسط افيش
تبقى ضحيه ورغم الظلم
كان بتمنى بجد يعيش
حتى ان كان الجاي تهميش
صوره وبس الاصل مفيش
حب وحرص من الايام
لما ظروف الخوف تتمادى
ولا كابوس وسط الاحلام
يسرق حلمك تصبح ساده
كل مشاعرك ويل موجوع
كل دموعك نفس النوع
فاضي حياه مليان بالموت
واما هتمشي لوحدك دايما
ضلك جنبك زي تابوت
حب وحرص من بعدين
اوعاك يوم وتكون عشمان
سايب كل حياتك ليهم
وانت ما خدت غير الخذلان
حتى السر اللي انت حكيته
عايروك بيه وعليه ندمان
اسما بس تكون انسان
وانت يعيني كما المانيكان
كل جديد يدخل ف حياته
يلبس توبه يسيبه عذاب
حب وحرص درب قلبك
يبقى ازاي بعد ما يتساب