اتصرف إزاي لو ظهر أسمي على اجهزه الكمبيوتر الداخلية

بقلم المحاميه هاجر محمد حسني
لو أسمك على أجهزه الكمبيوتر هيكون حاجه من الثلاثه
1/ ممكن يكون تشابه اسماء ومش بتاعتك.
2/ بتاعتك وأخذت فيها انقضاء بالتصالح
انقضاء بمضي المده ، أو براءه بس بتظهر وانت ماشي في كمين ومعاك الشهاده او تنساها دايما في البيت فبيتم ايقافك.
3/ قضيه على كمبيوتر ونازله إتهام وبتاعتك وأخذت فيها براء أو نفذت الحكم.
هتعمل ايه ؟!
أولا / لو تشابه اسماء يبقى مش هتتشال من على الكمبيوتر لأنها مش بتاعتك ولكن هتجيب من النيابه طلب معلومات مختوم بأنك الشخص الغير معني الاتهام وتمشي بيه للاسف الى حين تعديل قانون الاجراءات الجنائيه وقريبا ان شاء الله.
ثانيا/ لو القضيه بتاعتك وأخذت فيها انقضاء بالتصالح ، بمضي المده او براءه يبقى لازم تسديدها على الكمبيوتر بحيث انها ما تظهرش في الفيش أو في الكمين وسددها في مديرية الأمن التابع ليها.
ثالثا/ لو القضيه عاوز محوها من صحيفتك الجنائيه نهائي علشان سفرك ومستقبل عيلتك ونفسك او نازله كمان اتهام ما فيش الا قضيه مهمه جدا اسمها (قضيه محو اتهام ورد اعتبار) ترفع في القضاء الإداري على وزير الداخليه وآخرين .(المحو النهائي)
ملحوظة مهمة / متنساش تستشير محاميك ومهم تخلص منهم عشان تروح لعيالك كل يوم بأمان بدون تعطيل وقت أو حبس بدون وجه حق.
و متنساش ان المتهم الحقيقي هو السبب والمطلوب يتنفذ عليه وما يفلتش من العقاب . اعرف أن ده حمايه ليك ولادك.