احمد ضيف سالم صاحب توك توك بوداى النطرون عايز مسئول يرد عليه

افطار أمين الشرطة بــ200 جنيه أو مصادرة التوك توك 

حد يقولى أعمل ايه اسرق ولا أقتل عشان اعيش بكرامة 

احمد ضيف شاب من وادى النطرون مثله مثل اى شاب لم يجد فرصة عمل توفرها له الدولة فقرر الا يعتمد على على الحكومة ووعودها وعمل سائق توك توك ومن ثم اشترى توك توك  ليعمل عليه وكانت المفاجأة والصدمة والتى سيرويها بأسلوبة دون تدخل منا لا لغويا لا نحويا لعل وعسى يفهم محافظ الوادى الجديد او اى مسئول ما يقولة احمد ضيف .

عندنا في الوادي مايقرب من 3000 توكتوك وشغالين داخل الوادي ونص الشغل بيبقي من الرست للوادي نبتد من الاول بالحجات اللي بنسميها "رخامه" يمسكك من اي مكان يقولك رخصك ؟! طب ياعم هوا انته عملتلي ترخيص زي الناس وانا مارخصتش؟ طيب . نقوله مفيش .يقولي طب بطاقتك ؟ اقوله اتفضل البطاقه ..طب هتدفع رسوم زي العربيه ولا ؟...الرسوم دي يعني الرخامه يعني الفطار واللذي منه .اقوله ازاي يعني كام؟ يقولك 200.150.100مش اقل من كده....طيب لو قلت مامعييش تيص تلاقيه في ثانيه اتحول عليك طب يلا يلا قدامي ويركب معاك ويخدك عالمرور وهناك كأن التوكتوك ده مش بتاعك خالص يشدك ينزلك منه يقولك اطلع بره وبعد ماتطلع تسأل سيادته ايه المطلوب البدايه يقولك الورق جبته وجيت يكون هوا وداه عالنيابه ووداه الشونه ...يقولك اطلع علي النيابه تروح النيابه يقولك لسه الورق مجاش روح المركز تروح المركز يقولك استني بره شويه وروح عالنيابه تروح عالنيابه يقولك انته محضرك بيقول "انك مخالف وماشي معاكس وهروب من اللجنه وضربت امين الشرطه " وحوارات كتير كده ماتعرفش جايه منين مع انه واخدك من جوه الرست وسعات والله بياخدك وانته واقف في الرست .تخيل الظلم والافتري ...طيب ياعم ايه المطلوب سيادتك يقولك 3500جنيه ده طبعا بيوزعهملك يقولك 200ايه و500ايه يعني المهم في الاخر هتدفع يعني هتدفع "طيب ماشي ياريس هدفع بس مش كده مش المبالغ دي حرام""والله حراااام" وفيه اللي بيستلف ويدفع وفيه اللي كان هيعمل بيهم حاجه في بيته ولاحاجه بيدفعهم في بلوته دية طيب قولي انا بقي اعمل ايه انا لسه طالع من جوازة اختي اهو اعمل ايه بقي اسرق ولا اقتل واثبت علي الطريق واشتغل في المخدرات ماهي الحجات دي اسهل من الحلال ماهم كده بيصعبوا الحلال علينا احنا ياشباب الحلال بقي صعب علينا نعمل دلوقتي ..انا عايز مسئول يرد عليه ..\ عايزنا نرخص يعملولنا ترخيص محلي باسعار نقدر عليها مفيش اي مشكله انا معاك وكل الشباب معاك ؟؟