اسمع ياسيدي اسمع ***لما تصاحب صاحب حد من توبك

 
متابعة / ممدوح السنبسى 

اسمع يا سيدي اسمع 
لما تصاحب صاحب حد من توبك
صاحب الضهر اللي يوافق علي عيوبك
وانتا عليك تفهمه عليك التقدير
صاحب حد يبادلك نفس المشاعر
صاحب النادر في نظرك واللي منه مش كتير
اللي تقدم عشانه الف خطوه وهو يقرب
اللي في عز زعلك يقولك انا وطنك وليه حاسس انك وحيد أو متغرب

الدنيا رحلة في قطر
ومحطتك اكيد جايه بلاش نلغي مشاعر بعض
مهياش دايمه ولا محسوبه بالمللي
ارمي كله ورا ضهرك ونقطه من اول السطر
كان عندي صاحب عشرة واعتبرته خللي
وفي الاخر حسبني تعود وفي لحظه استغني
كنت تملي أقرب منه وافتح له ايدي
وانا دلوقت من الزعل احتارت كل كلمات المغني
تعبر عن وجعي ووحدتي 
اوعي تتعلق أو تقول لغير امك وابوك امرك يا سيدي
والله ما باقي من الزمن دا غير حبة حجج وكلمه بنتداري فيها واسمها الظروف

اللي عايزك هيفضي نفسه عشانك 
واللي بيحبك هيعمل المستحيل لأجل كلمه شكر من لسانك 
وكلمة اصل واصل دي اتفه شماعه 
واللي يصدق عنك وانتا معاشره ابصمله انتا علي الاشاعه 
واصعب عقاب انيق من اللي حبيته التجاهل 
نار تحرق كل قرب وتقضي علي كل حاجه كانت في نظرك معاه تستاهل
احساس فظيع وقمه في البشاعه
العتاب يا صديقي للاحباب 
واللي حبك بغيرة وخوف عليك نادر تلاقي منه تاني
ولو هيزعلك دا يبقي عمرك معاه في الحب ما هتبادل 
فكر بقلبك وعقلك سوا خليك في الحب عادل
بقلمي/أم هاشم العيسوي