الإنسان ومنظوره للحياة

أحمديوسف. الإسكندرية 

ما تتعاملش مع الحياة كأنك فاهمها 

بالكامل… لأنك مش شايف غير جزء صغير منها.

مشكلتك مش إنك فاهم غلط… مشكلتك إنك فاكر إنك فاهم كل حاجة صح! بتحكم على الناس من موقف واحد… وتبني قراراتك على إحساس لحظي… وتقفل ملفات كاملة لمجرد إن الصورة مش عاجباك..

مع إن الحقيقة أبسط من كده وأخطر:

انت شايف جزء… وجزء صغير كمان.. فيه ناس خسرِت حاجات كانت شايفاها نجاة… وناس نجت من حاجات كانت شايفاها خسارة!

فيه مواقف انت حكمت عليها إنها بسيطة… وكانت بتكسر حد من جواه.. وفيه حاجات ضخمتها في دماغك… وطلعت ولا حاجة..

المشكلة مش في الواقع… المشكلة في زاوية رؤيتك.. كل واحد بيشوف الدنيا من جرحه… من خوفه… من رغباته… مش من الحقيقة..

عشان كده:

مش كل إحساس صادق… ولا كل فكرة صح… ولا كل حكم عادل.. الوعي الحقيقي مش إنك تبقى فاهم كل حاجة… الوعي إنك تعترف إنك ممكن تكون غلط..

ساعتها بس… هتبدأ تشوف..